अर्थसंकल्पात केवळ घोषणांचा पाऊस, जनतेच्या पदरी निराशाच : आमदार सुभाष धोटे.

अर्थसंकल्पात केवळ घोषणांचा पाऊस, जनतेच्या पदरी निराशाच : आमदार सुभाष धोटे.

✍️दिनेश झाडे

चंद्रपूर जिल्हा प्रतिनिधी

7498975136

चंद्रपूर/राजुरा :- आज सादर केलेल्या अर्थसंकल्पात शिंदे फडणवीस सरकारने केवळ घोषणांचा पाऊस पाडण्याचा प्रयत्न केला आहे. वास्तविक पाहता सर्व सामान्य नागरिक, बेरोजगार, विद्यार्थी, शेतकरी, शेतमजूर, छोटे व मध्यम उद्योजक, नोकरदार वर्ग, महिला वर्ग, महागाईने त्रस्त जनतेला भेडसावणाऱ्या ज्वलंत समस्या सोडविण्यासाठी या बजेट मधून कुठलाही दिलासा नाही. जनतेच्या पदरी निराशाच पडली आहे. केवळ घोषणा करण्यात आल्या आहेत मात्र या आधी या सरकारने ज्या घोषणा केल्या त्याच पुर्ण केलेल्या नाहीत. छत्रपती शिवाजी महाराज स्मारक आणि अनेक जुन्या घोषणांचे काय झाले हे जनता बघते आहे. शेतकऱ्यांना अखंडित विज पुरवठा, नुकसानग्रस्तांना उचित मोबदला, पिक विम्याचा लाभ, शेतमालाला हमी भाव अशा मुलभूत प्रश्नांवर ठोस तरतूदी करण्यात आलेल्या नाहीत.