घुग्घूस - महातारदेवी रस्त्याच्या कामात धाधली

लाल मुरूम ऐवजी वेकोली ओबीचा भरणा निकृष्ठ दर्जाचे कार्य

घुग्घूस :  गेल्या काही वर्षापासुन घुग्घुस म्हातारदेवी तडाली साखरवाई रस्त्याचा प्रचंड असे खराब दुर्दशा झाली होती

 असे अनेक वर्षांच्या प्रतिक्षे नंतर ताडाळी - साखरवाही - महातारदेवी - घुग्घुस - नकोडा - उसगाव अश्या अकरा किलोमीटर फोर वे लाईन,टु वे लाईन सिमेंट काँक्रीट रस्ता अंदाजित किंमत 1654.96 लक्ष रुपयांच्या रस्त्याचा बांधकाम सुरू असून सदर बांधकाम हा अत्यंत निकृष्ठ दर्जाचा केला जात आहे

गेल्या काही महिन्यांपूर्वी रस्त्याच्या भुमीपुजन सोहळा खासदार बाळु धानोरकर व आमदार किशोर जोरगेवार यांच्या हस्ते करण्यात आला होता 

 सदर रस्ता बांधकामाचा पहिला टप्पा असतो भक्कम पाया भरणीचा भक्कम पाया भरणी शिवाय रस्ते लवकरच खचून जाण्याची शक्यता असते हा मार्ग अत्यंत वर्दळीचा असून या मार्गावरून सतत जडवाहनाचा आवागमन होत असल्याने हा मार्ग मजबूत व टिकाऊ बनविणे आवश्यक असतांना सदर कामात मोठ्या प्रमाणात धांधल  होत असल्याचा नागरिकांत चर्चा सुरू आहे

सदर रस्त्याच्या पाया भरणीत लाल मुरूम (मातीचा) भर व लोखंडी दगडाचा भर घालण्या ऐवजीं वेकोलीच्या भुसभुशीत दगड युक्त ओव्हर बर्डन (मातीचा) वापर करून थातूरमातूर काम केल्या जात  असून या रस्त्यांच्या कामात एकूण 490 ब्रास ओबी म्हणजेच 1387.19 क्यूबिक मीटर मातीचा भरणा केला जाणार आहे

सार्वजनिक बांधकाम विभाग क्रमांक 01 च्या अभियंताने सदर कामाची तपासणी करून संबंधित ठेकेदारांवर कायदेशीर व दंडात्मक कारवाई करावी अशी नागरिका तर्फे मागणी करण्यात येत आहे