वर्धा नदीच्या चिचोली घाटा वरून अवैध रेती तस्करी सुरू

घुग्घूस : चंद्रपूर जिल्ह्यातील लिलाव झालेले सर्व रेती घाटातुन रेती पर्यावरण विभागाच्या परवानगी शिवाय रेती उत्खनन करण्यास बंदी घालण्यात आली असून सदर बंदी ही 01 मार्च पासून सुरू झाली आहे.

घाटधारक केवळ साठविलेला रेती साठाच विक्री करू शकतो मात्र परिसरातील रेती माफियांनी शासकीय आदेशाला केराची टोपली दाखवून जवळपास दहा ट्रॅक्टर द्वारे सर्व्ह नंबर 52,53 या ठिकाणाहून अवैध रेती उत्खनन करण्यात येत असून नदी शेजारी साठवणूक ही करण्यात येत आहे

या रेती तस्करांनी शासनाला लाखोंचा चुना लावला आहे.

या घाटधारका कडून रेती साठा करण्यात येत असलेल्या जागेची तपासणी करण्यात यावी सदर जागा ही नॉन ऍग्रीकल्चर आहे की अन्य कुठली याचा तपास करण्यात यावा या सोबत नदी पात्रातुन जडवाहनाच्या आवागमना करिता बंदी घालण्यात यावी अशी ही मागणी नागरिकांन तर्फे करण्यात येत आहे