जिल्हाधिकाऱ्यांच्या आदेशाने चंद्रपूर जिल्ह्यातील सर्व रेती घाट बंद

चंद्रपूर : जिल्ह्यातील रेती (वाळू)घाटांचा शासकीय लिलाव करण्यात आला होता

घाट धारकांना 10 /06/ 2023 पर्यंत उत्खनन करून मंजूर जाग्यावर साठवणूक करणे तसेच 30/09/2023 पर्यंत विक्रीचे करारनामा करण्यात आला होता.

या घाटाना प्रथम पर्यावरण मान्यता 28 फेब्रुवारी 2023 पर्यंतच देण्यात आली होती.

यानंतर मुदतवाढ देण्यासंदर्भातील कारवाई सुरू आहे

पर्यावरण मान्यता देण्याबाबत राज्यस्तरीय पर्यावरण समितीची बैठक दिनांक 11 फेब्रुवारी 2023 पार पडली आहे.

या बैठकीचे इतिवृत्त प्राप्त झाले नसल्याने या संदर्भातील लेखी आदेश प्राप्त होईपर्यंत दिनांक 01 मार्च 2023 पासून रेती (वाळू) घाटा मधून उत्खनन करण्यास मनाई करण्यात आली आहे

पर्यावरणाची परवानगी आल्या शिवाय नदी पात्रातून रेती उत्खनन केल्यास सदर उत्खनन अवैध मानून त्यावर महाराष्ट्र जमीन महसूल अधिनियम 1966 चे कलम 48 (7)(8)अनव्ये दंडात्मक कारवाई करण्यात येणार आहे

सदर रेती घाट धारक साठवणूक केलेली रेती विकता येईल अश्या सूचना जिल्हाधिकारी कार्यलयातून सर्वच घाटधारकाना देण्यात आला आहे.

आता घाट धारक अवैध रित्या रेती तस्करीत लिप्त होऊन शासनाला लाखोंचा चुना लावतात की नियमानुसार साठवलेल्या साठयातूनच रेती विक्री करतात याकडे सर्वांचे लक्ष लागले आहे