*संत सेवालाल महाराज यांनी दाखवलेल्या मार्गांवर चालण्याचा समाजाने प्रयत्न करावा. :- पांडुरंग जाधव* *गडचांदूर येथे श्री. संत सेवालाल महाराज यांच्या जयंती निमित्त कार्यक्रमाचे आयोजन.*

गडचांदूर :- संत सेवालाल महाराज हे जगातील बंजारा समाजाचे आराध्य दैवत आहेत, त्यांनी समाजामध्ये असलेल्या प्रत्येकाला जगण्याचा मार्ग दाखविला, बंजारा समाज कधीही दुसऱ्यावर विसंबला नाही, सन्मानाने आयुष्य जगण्याचा संदेश श्री संत सेवालाल महाराजांनी समाजाला दिला आहे त्यांच्या विचाराने समाजाने यशस्वी वाटचाल करावी असे प्रतिपादन चंद्रपूर जिल्हा मध्यवर्ती सहकारी बँकेच्या संचालक पांडुरंग जाधव यांनी केले.

आज गडचांदूर येथे श्री संत सेवालाल महाराज यांच्या जयंती निमित्त कार्यक्रमात ते बोलत होते.

पुढे जाधव बोलताना म्हणाले की श्री. संत सेवालाल महाराजांच्या विचारांवर  बंजारा समाजाची श्रद्धा आहे, त्यांच्या विचारांची कुठल्याही प्रकारची विटंबना होणार नाही याची काळजी समाज बांधवांनी घेणे महत्त्वाचे आहे. संत सेवालाल महाराजांचे विचार आत्मसात करण्याचे आवाहन त्यांनी यावेळी केले.

या प्रसंगी आयोजित कार्यक्रमाला सामाजिक कार्यकर्ते हितेश चव्हाण, शिक्षक बंडूजी राठोड, जि. वी. पवार, शिक्षक विनोद चव्हाण आणि मोठ्या प्रमाणात समाजबांधव उपस्थित होते. सायंकाळी बंजारा संस्कृतीवर आधारित आधारित संगीताचा व महाप्रसादाचा सुद्धा कार्यक्रम पार पडला.

कार्यक्रमाचे सूत्रसंचालन उमेश आडे, आभार प्रदर्शन विनायक राठोड यांनी केले.