'बोढे ' या फ्राड शिक्षकाला वाचविण्यासाठी जनता विद्यालयाची धडपड

राजुरेड्डी यांनी दाखल केली प्रथम अपील

सातपुते प्रकरणाची पुनरावृत्ती माहिती अधिकारात माहिती देण्यास टोलवा - टोलवी

घुग्घूस : चांदा शिक्षण प्रसारक मंडळ अंतर्गत जनता विद्यालय साखरवाही येथील सहाय्यक शिक्षक तसेच भारतीय जनता पक्ष युवा मोर्चा उपाध्यक्ष व घुग्घूस अध्यक्ष विवेक बबनराव बोढे यांनी मुख्याध्यापिका वैशाली पेटकर यांच्या सोबत संगनमताने शाळेत आपल्या ठिकाणी इयत्ता नववीच्या विद्यार्थ्यांना इंग्रजी शिकवणी करीता शुभम कोयडवार या युवकाला मासिक भांड्यावर ठेवले याप्रकरणाची गुप्त तक्रार पालकांनी काँग्रेस कार्यालयात केली असता काँग्रेस नेते व पत्रकार यांनी संयुक्तपणे शाळेला भेट दिली असता नकली शिक्षकाने काँग्रेस नेत्यांना पाहून पळ काढला व या प्रकरणाचा भांडाफोड झाला आहे

यानंतर सत्ता पक्ष तसेच शिक्षण संस्था व मुख्याध्यापिका यांनी फ्राड शिक्षकांवर कारवाई करण्या ऐवजी सदर प्रकरण दाबण्यासाठी

आपली पूर्ण शक्ती प्राणपणाला लावली.

काँग्रेस शहर अध्यक्ष राजूरेड्डी यांनी दिनांक 17 जानेवारी 2022 रोजी माहिती अधिकार अधिनियम 2005 अनव्ये खालील माहिती मागितली जनता विद्यालय साखरवाही शाळेत शिकविणाऱ्या शिक्षकांची नावे व पत्ता,शिक्षकांच्या हजेरी बुकाची सत्यप्रत,शिक्षकांची शिकवणी वेळेनुसार वेळापत्रक ही शाळेशी संबंधित मागणी केली असता माहिती अधिकारी तथा मुख्याध्यापिका यांनी ही माहिती शाळेतील शिक्षकांची वैयक्तिक स्वरूपाची असल्याने व शाळेतील शिक्षकांनी त्यांची वैयक्तीक माहिती देण्यास लेखी संमती न दिल्यामुळे आपणास माहिती पुरवू शकत नाही असे धांदात खोटे व प्रकरण दाबण्यासाठी दिशाभूल करण्याचा प्रयत्न केला.

वर्ष 2016 ते 2017 मध्ये ही साखरवाही शाळेने गोपाळ दिनाजी सातपुते यांनी तत्कालीन मुख्याध्यापक व माहिती अधिकारी जगदीश बाबुराव मत्ते यांना शाळे संबंधित माहिती मागितली होती त्यांना ही रेड्डी यांच्यासारखे समान उत्तर पाठविण्यात आले त्यांनी याविरोधात अपील केली अपील अधिकाऱ्यांनी माहिती देण्यासाठी सुचविले असता ही या मुजोर प्रशासनाने माहिती दिली नाही या विरोधात सातपुते यांनी राज्य माहिती आयुक्त दिलीप धारूरकर नागपूर खंडपीठ यांच्याकडे द्वितीय अपील दाखल केली व यात सातपुते यांच्यावतीने निर्णय आला या शिक्षण संस्थे विरोधात रेड्डी यांनी कडवी झुंज देण्याचा निर्णय करीत दिनांक 22 फेब्रुवारी रोजी प्रथम अपील दाखल केली असून रस्त्यावर तथा कायदेशीर लढा देण्याचा इशारा रेड्डी व काँग्रेस पदाधिकाऱ्यांनी दिला