तर पालक मंत्राच्या घरासमोर ठिय्या आंदोलन

शिक्षक असलेल्या भाजप प्रदेश उपाध्यक्षवर कारवाई करा

घुग्घूस  : शिक्षक पदावर असलेल्या भारतीय जनता पक्षाचे युवा मोर्चा प्रदेश उपाध्यक्ष यांनी आपल्या जागेवर विद्यार्थ्यांना शिकवण्यासाठी चक्क रोजंदारी माणूस ठेवला. हे प्रकरण उघडकीस आल्यावर शिक्षण विभागात एकच खडबड उडाली. पालकमंत्री सुधीर मुनगंटीवार यांच्या जवळचे असल्यानं शिक्षकावर अद्यापही कार्यवाही झालेली नाही. शिक्षक विवेक बोडे यांच्यावर कार्यवाही करा, मागणी घेऊन आज घुगुस येतील गांधी चौकात धरणे आंदोलन काँग्रेस तर्फे करण्यात आले. कारवाई न झाल्यास पालकमंत्री मुनगंटीवार यांच्या घरासमोर ठिय्या आंदोलन करण्यात येईल असा इशारा यावेळी देण्यात आला.

भाजप प्रदेश उपाध्यक्ष असलेले  विवेक बोढे हे साखरवाही जनता विद्यालयात शिक्षक पदावर कार्यरत आहेत. राजकारण करता यावं यासाठी बोडे यांनी आपल्या जागेवर विद्यार्थ्यांना शिकवण्यासाठी रोजंदारी माणूस ठेवला होता. हा प्रकार समोर आल्याने शिक्षण विभागात एकच खळबळ उडाली होती. हा प्रकार उघडकीस येऊन आज पंचवीस दिवस लोटले. मात्र अद्यापही शिक्षक, मुख्याध्यापिका व संस्था चालकांवर कारवाई करण्यात आलेली नाही. दोषी शिक्षक हा, भाजपाचा नेता असल्याने पालकमंत्री अभय देत असल्याचा आरोप काँग्रेस नेत्यांनी करीत आज धरणे आंदोलन केले.

यावेळी विवेक बोढे मुर्दाबाद अशा घोषणा देण्यात आल्या.

शिक्षण क्षेत्राला कलंकित करणाऱ्या भाजप नेत्यावर तसेच संस्था चालकावर कारवाई कराच, अशी मागणी किसान जिल्हाध्यक्ष रोशन पचारे यांनी केली. भाजप प्रदेश उपाध्यक्ष हा विद्यार्थ्यांचा भविष्य बरबाद करणारा शिक्षा चोर असून त्यांच्यावर कारवाई करा अशी मागणी अनुसूचित जाती विभाग माजी जिल्हाध्यक्ष पवन आगदारी यांनी केली. आपल्या अध्यक्षीय भाषणात राजुरेड्डी यांनी  भ्रष्टाचारी शिक्षक बोढे याला वाचविणाऱ्या  ग्रामीण जिल्हाध्यक्ष तसेच पालकमंत्री यांचा खरपूस समाचार घेत

पालकमंत्री यांच्या घरीच ठिय्या आंदोलन तसेच घंटानाद करण्याचा इशारा दिला.

याप्रसंगी काँग्रेस नेते सुधाकर बांदूरकर, कामगार नेते सैय्यद अनवर, मुन्ना भाई लोहानी, शामरावजी बोबडे, युवक नेते सुरज कन्नूर, सुधाकर बांदूरकर, अलीम शेख, मोसीम शेख,स्टिवन गुंडेटी, रोशन दंतलवार, नुरुल सिद्दिकी,  अनिरुद्ध आवळे, शेख शमीउद्दीन, विशाल मादर, अनुप भंडारी, विजय माटला, दीपक पेंदोर, ताज अस्लम, अरविंद चहांदे, रोहित डाकूर, पिंटू मंडल, देव भंडारी, शहजाद शेख, अभिषेक सपडी, बालकिशन कुळसंगे, कुमार रुद्रारप, थॉमस अर्नाकोंडा, जुबेर शेख, सुनील पाटील, कपिल गोगला, रंजित राखुंडे, अंकुश सपाटे, सन्नी कुम्मरवार, सौ.संगीता किशोर बोबडे, सौ.पदमा त्रिवेनी, सौ.यास्मिन सैय्यद, दुर्गा पाटील, संध्या मंडल, सौ. मंगला बुरांडे, सरस्वती कोवे व मोठ्या संख्येने पदाधिकारी उपस्थित होते