फ्राड शिक्षकाच्या विरोधात उद्या काँग्रेसचे धरणे आंदोलन

भाजयुमोचे प्रदेश उपाध्यक्ष विवेक बोढे विरोधात काग्रेस चे धरणे आंदोलन

घुग्घूस : भारतीय जनता पक्षाचे युवा मोर्चा प्रदेश उपाध्यक्ष घुग्घूस शहर अध्यक्ष विवेक बोढे या सहाय्यक शिक्षकाने शिक्षण क्षेत्राला कलंकित केले आहे.

चांदा शिक्षण प्रसारक मंडळ चंद्रपूर संचालित साखरवाही जनता विद्यालयात इयत्ता नववीत इंग्रजी शिकविणाऱ्या बोढे यांनी राजकारणात पूर्ण वेळ देता यावा म्हणून आपल्या ठिकाणी मासिक वेतनावर शिक्षक ठेवून शासनाची व विद्यार्थ्यांची फसवणूक केली. या प्रकाराच्या विरोधात त्याला काँग्रेस धरणे आंदोलन करणार आहे.

पालकांच्या गुप्त तक्रारी नंतर काँग्रेस पक्षाचे नेते व पत्रकार यांनी शाळेला भेट दिली असता सदर नकली शिक्षक शुभम कोयडवार यांनी शाळेतून पळ काढला सदर प्रकरणाची काँग्रेस पक्षाच्या वतीने जिल्हाधिकारी, शिक्षणाधिकारी, संस्था चालक यांच्याकडे तक्रारी नोंदविल्या तसेच पडोली पोलीस स्टेशनला 25 जानेवारी रोजी तक्रार ही दाखल केली मात्र पालकमंत्री यांच्या दबावाखाली सदर फ्राड शिक्षकावर कारवाई झालीच नाही.

चंद्रपूर जिल्ह्यात जिल्हापरिषदेचे शाळा तसेच अनुदानित शाळा मध्ये प्रचंड भ्रष्टाचार फोफावला आहे.

जिवती तालुक्यातील पाटागुडा विद्यार्थ्यांनी दांडी बहाद्दर शिक्षकांच्या विरोधात रस्ता रोको आंदोलन केले  तसेच ब्रम्हपुरी खडसमारा जिल्हापरिषदेच्या शिक्षकांन विरोधात अभिनव आंदोलन केले एकंदरीत शिंदे व भाजप शासनात शिक्षण क्षेत्रात प्रचंड माजलेल्या भ्रष्टाचारा विरोधात गांधी चौक घुग्घूस येथे दुपारी 12 ते 05 वाजेपर्यंत धरना आंदोलन आयोजित केला असून या भ्रष्ट्राचारा विरोधात पालकांनी व नागरिकांनी मोठया संख्येत उपस्थित रहावे असे आवाहन काँग्रेस अध्यक्ष राजुरेड्डी, किसान जिल्हाध्यक्ष रोशन पचारे, माजी जिल्हाध्यक्ष अनुसूचित जाती विभाग पवन आगदारी, कामगार नेते सैय्यद अनवर, काँग्रेस नेते किशोर बोबडे, सुधाकर बांदूरकर यांनी केले आहे