नकोडा येथे जुगार खेळणाऱ्या सहा आरोपींना घुग्घुस पोलीसानी केली अटक,

32 हजाराचा मुद्देमाल जप्त

*

घुग्घुस : जवळील नकोडा येथे जुगार खेळणाऱ्या सहा आरोपींना अटक करण्यात आली असून ही कारवाई घुग्घुस पोलिसांनी केली आहे.नकोडा येथील वार्ड क्रमांक 2 च्या सभागृहामागील भागात काही इसम जुगार खेळत असल्याची माहिती पोलिसांना मिळाली होती.माहितीच्या आधारे घुग्घुस पोलिसांनी सापळा रचून धाड टाकली असता दुचाकी,मोबाईल, रोख रकमेसह 32 हजारांचा मुद्देमाल पोलिसांनी जप्त केला आहे.

यावेळी जुगार खेळणाऱ्या अब्दुल शेख,भास्कर नगराळे,कमलेश आकुलवर,चंदू सिघया,अशोक ताडे,सुभाष मेश्राम या सहा जणांवर गुन्हे दाखल करून अटक करण्यात आली आहे.ही कारवाई पोलीस निरीक्षक आसिफ रजा शेख यांच्या मार्गदर्शनाखाली गुन्हे शोध पथकाचे पो उपनि गौरीशंकर आमटे,पोलीस अमलदार सचिन, नितिन मराठे, रणजीत भुरसे,रवी,यांच्यासह पोलीसांनी केली आहे.