जिवती तालुक्यातील अतिक्रमण धारक शेतकऱ्यांना हक्काचे जमीनपट्टे द्या सुदामभाऊ राठोड यांनी मुख्यमंत्र्यांना निवेदनाद्वारे केली मागणी*

*

__________________________________

            आज दि:- १२ फेब्रुवारीला बंजारा काशी पोहरादेवी येथे सुदामभाऊ राठोड यांनी मुख्यमंत्र्यांना निवेदन देऊन जिवती तालुक्यातील अतिक्रमण धारक शेतकऱ्यांना जमिनीचे पट्टे द्या अशी मागणी केली.

 जिवती तालुक्यातील अतिक्रमण धारक शेतकरी 1950 ते 1955 पासून जंगल तोड करून शेतीची मशागत करतात व त्या आधारावर शेतकऱ्यांचे उधरनिर्वाह होत आहे.

स्वातंत्र्याला 75 वर्षे होऊनसुद्धा आम्हा शेतकऱ्याला आतापर्यंत हक्काचे जमीनपट्टे मिळालेच नाही,

  मग विदेशातून भारत देशामध्ये येऊन सहा वर्षे रहिवासी राहिल्यास त्यांना भारतीय नागरिकत्व बहाल केल्या जातो. मग आम्ही सर्व सामान्य शेतकरी भारतीय नागरिक नाही का ? असा प्रश्न सर्व सामान्य शेतकऱ्यांना पडतो. म्हणून मुख्यमंत्री महोदय आपण सर्व सामान्य जनतेचे हित जोपासणारे मुख्यमंत्री आहात म्हणून आम्हा सर्व जिवती तालुक्यातील शेतकऱ्यांना आपल्या कडून जमिनीचे पट्टे मिळवून सर्व सामान्य शेतकऱ्यास न्याय मिळवून द्याल अशी विनंती विदर्भ राज्य आंदोलन समिती चे कार्यकर्ते व जिवती तालुक्यातील सामाजिक कार्यकर्ते सुदामभाऊ राठोड यांनी बंजारा काशी धाम पोहरादेवी येथे मुख्यमंत्री एकनाथ शिंदे यांना निवेदन देऊन मागणी केली आहे.यावेळी सौ. सगुणाबाई जाधव, संभाजी वारे, प्रेमदास राठोड, अमोल चव्हाण, संदीप जाधव, व्यंकटी पवार, ज्ञानेश्वर राठोड, गोविंद पवार उपस्थित होते.