आमदार सुभाष धोटेंनी घेतला गोंडपिपरी तालुक्यातील पाणी टंचाईचा आढावा.

आमदार सुभाष धोटेंनी घेतला गोंडपिपरी तालुक्यातील पाणी टंचाईचा आढावा.

✍️दिनेश झाडे

चंद्रपूर जिल्हा प्रतिनिधी

7498975136

चंद्रपूर/गोंडपिपरी:- तालुक्यांमध्ये उन्हाळ्यात ज्या भागात पाणी टंचाई निर्माण होते त्यासोबतच सध्या परिस्थितीत कुठल्याही तांत्रिक अडचणींमुळे नागरिकांना पाणी टंचाई भेडसावत असेल तर ती दूर करण्यासाठी उपाययोजना करण्यासाठी लोकप्रिय आमदार सुभाष धोटे यांच्या अध्यक्षतेखाली पंचायत समिती गोंडपीपरी च्या सभागृहात पाणी टंचाई नियोजन संदर्भात आढावा बैठक पार पडली.

      या प्रसंगी आमदार सुभाष धोटे यांनी उपस्थित सरपंच, ग्रामसेवक यांच्या अडचणी ऐकून घेतल्यानंतर संबंधित विभागांना सुचना केल्या की, शुद्ध पिण्याचे पाणी आवश्यकतेनुसार मिळणे हे नागरिकांचा हक्क आहे. तेव्हा जेथे कुठे पाणी टंचाई निर्माण होते तेथे प्रत्यक्ष पाहणी करून वरीष्ठ पातळीवर पाठपुरावा करून या समस्या सोडविण्यासाठी प्रयत्न करावे. आवश्यकतेनुसार नवीन हातपंप बसविणे, विहिरीचे गाढ काढणे, खासगी बोर, विहीर अधिग्रहण करणे, टँकरने पाणीपुरवठा करणे, मंजूर कामे त्वरित पूर्ण करणे, वाढीव पाईपलाईन करणे, मीटर जोडणी करणे यासह अन्य आवश्यक बाबींची पूर्तता करणे याकडे स्वतः लक्ष देऊन समस्या दूर करण्यासाठी अधिकाऱ्यांना सूचना दिल्या.

       या प्रसंगी तहसीलदार के. डी. मेश्राम, नायब तहसिलदार अविनाश शेंबटवाड, गट विकास अधिकारी शालिक माहूलीकर, पाणी पुरवठा विभागाचे उपविभागीय कार्यकारी अभियंता  उमकेश दराडे, कनिष्ठ अभियंता विलास भंडारी, सहाय्यक भूजल वैज्ञानिक डॉ. यो. अ. दुबे, उपविभागीय अभियंता महावितरण अरविंद कतकर उपविभागीय बांधकाम अभियंता एन डी. वैद्य, जि. प. उपअभियंता व्हा.एन. खापने यासह गोंडपिपरी तालुक्यातील सरपंच, उपसरपंच आणि ग्रामसेवक उपस्थित होते.