योग्य नियोजनाने पाणीटंचाईवर मात करा. आढावा बैठकीत आमदार सुभाष धोटेंचे अधिकार्‍यांना निर्देश.

योग्य नियोजनाने पाणीटंचाईवर मात करा.

आढावा बैठकीत आमदार सुभाष धोटेंचे अधिकार्‍यांना निर्देश.

✍️दिनेश झाडे

चंद्रपूर जिल्हा प्रतिनिधी

7498975136

चंद्रपूर/जिवती:-अतिदुर्गम, डोंगराळ, आदिवासी बहुल जीवित तालुक्यात उन्हाळ्यातील पाणीटंचाई योजना संदर्भात पंचायत समिती जिवती येथील सभागृहात पाणी टंचाई नियोजन बैठकीचे आयोजन लोकप्रिय आमदार सुभाष धोटे यांच्या अध्यक्षतेखाली करण्यात आले. या प्रसंगी जिवती तालुक्यातील सर्व ग्रामपंचायतीचे सरपंच, उपसरपंच आणि ग्रामसेवक यांच्या सोबत गावातील उन्हाळी काळात निर्माण होणाऱ्या पाणी टंचाई व त्यावर करायचे उपाय यावर चर्चा करण्यात आली. आमदार सुभाष धोटे यांनी संबंधित विभागांना निर्देश दिले की, जिवती तालुक्यात कुठल्याही परिस्थितीत पाणी टंचाई निर्माण होऊ नये यासाठी योग्य नियोजन करण्यात आले पाहिजे. नवीन हातपंप बसविने, विहिरीचे गाढ काढणे, खासगी बोर, विहीर अधिग्रहण करणे, आवश्यक त्याठिकाणी टँकरने पाणीपुरवठा करणे यासंदर्भात योग्य नियोजन व अमलबजावणी करावी असे निर्देश अधिकाऱ्यांना दिले, तसेच सुरू असलेल्या नळ योजनेची तातडीने दुरुस्ती करणे, स्वतंत्र पाणीपुरवठा योजना जनजीवन योजनेअंतर्गत मंजूर असलेल्या कामे त्वरित पूर्ण करणे, वाढीव पाईपलान लागल्यास रिइस्टीमेट करून नळ योजना सुरू करणे. नळ योजनांची मीटर जोडणी त्वरीत करणे इत्यादी महत्त्वाच्या कामासाठी संबंधित अधिकाऱ्यांना प्रत्यक्ष भेटी देहुन नियोजन करण्याच्या सूचना दिल्यात.

         या प्रसंगी गट विकास अधिकारी डॉ भागवत रेजिवाड, उपविभागीय अभियंता पाणी पुरवठा विभाग एच. बी. चव्हाण, सहाय्यक भू वैज्ञानिक ग्रामीण पाणीपुरवठा विभाग डॉ. मो. अ. दुबे, उपविभागीय कार्यकारी अभियंता महाराष्ट्र राज्य विद्युत वितरण कंपनी जिवती, निलेश ढोकणे, कनिष्ठ अभियंता समीर बागडे, काँग्रेसचे तालुकाध्यक्ष गणपत आडे, माजी सभापती सुग्रीव गोतावळे, माजी उपनगराध्यक्ष अशपाक शेख, तजुद्दी शेख, सरपंच, उपसरपंच आणि ग्रामसेवक उपस्थित होते.