आता शेतकऱ्यांचे पिक जाणार थेट कंपनीमध्ये... श्री गुरुदेव जिनिंग प्रेसिंगमध्ये कापूस खरेदीचा शुभारंभ....

भारतीय वार्ता :कोरपणा 

आज साखरवाही शेतकरी उत्पादक कंपनी लिमिटेड  यांचे मार्फत श्री गुरुदेव जिनिंग प्रेसिंग तालुका कोरपना येथे शेतकऱ्यांच्या हिताच्या दृष्टीने थेट कापूस खरेदीचा शुभारंभ करण्यात आला. कार्यक्रमाला उदघाटक म्हणून श्री देवरावजी भोंगळे जिल्हा अध्यक्ष भाजपा तसेच कार्यक्रमाचे अध्यक्ष जिल्हा कृषी अधिकारी श्री यांचे उपस्थितीत करण्यात आला यावेळी शेतकरी उत्पादक कंपनीचे संचालक नामदेवजी डाहुले यांनी या कंपनीच्या माध्यमातून तालुक्यातील कापूस उत्पादक शेतकऱ्यांना ना दलाली ना हमाली या आधारावर सदरची कंपनी शेतकऱ्यांचा माल थेट खरेदी करेल व त्यांना त्यांच्या खात्यात थेट मोबदला प्रदान केला जाईल अशा पद्धतीची योजना कंपनी राबवत असल्याचे सांगितलं.

तसेच सदरची शेतकरी उत्पादक कंपनीच्या माध्यमातून तालुक्यात "एक गाव-एक वाण" ही योजना राबवण्याची ही संकल्पना त्यांनी उपस्थितांपुढे मांडली. शेतकऱ्यांची आर्थिक परिस्थिती कमकुवत असल्यामुळे त्यांना पडत्या बाजार- भावातही माल विकावा लागतो ही खंत जानक बाब असल्याचे नमूद करत शेतकऱ्यांवर अशी परिस्थिती येऊ नये म्हणून शेतकऱ्यांचा माल शासकीय गोदामामध्ये ठेवून त्यांना कमी व्याजदरात 70 टक्के पर्यंत मोबदला उपलब्ध करून देण्याचे संकल्पना असल्याचे उपस्थित शेतकऱ्यांपुढे मांडले.कंपनी च्या संचालकानी शेतकऱ्यांना या सर्व योजनांचा लाभ उचलण्याचे आवाहन केले.

या प्रसंगी उपस्थित जिल्हा कृषी अधिकारी भऱ्हाटे साहेब तसेच भारतीय जनता पार्टी जिल्हाध्यक्ष मा.देवराव दादा भोंगळे  यांनी शेतकऱ्यांना सदर कंपनी मार्फत भेटत असलेल्या बाबींचा फायदा स्वतःसाठी करून घेण्याचे सूचना केली तसेच सदर शेतकरी उत्पादक कंपनीला पुढील वाटचालीसाठी शुभेच्छा दिल्या.