सरदार पटेल अभ्यासिकेचा आनखी एक विद्यार्थी स्पर्धा परीक्षेत चमकला. माजी नगराध्यक्ष अरुण धोटे यांनी केला निखिल गौरकर चा सत्कार.

सरदार पटेल अभ्यासिकेचा आनखी एक विद्यार्थी स्पर्धा परीक्षेत चमकला.

माजी नगराध्यक्ष अरुण धोटे यांनी केला निखिल गौरकर चा सत्कार.

✍️दिनेश झाडे

चंद्रपूर जिल्हा प्रतिनिधी

7498975136

चंद्रपूर/राजुरा :-- सरदार वल्लभभाई पटेल अभ्यासिका नगर परिषद राजुरा येथील विद्यार्थी निखिल गौरकर ने एमएसईबी, मुंबई तर्फे सहायक अभियंता पदासाठी घेण्यात आलेल्या परीक्षेत महाराष्ट्र राज्यातून प्रथम क्रमांक घेतला आहे. राज्यातील २४ हजार विद्यार्थ्यांनी ही परिक्षा दिली होती. या परिक्षेत राज्यातून प्रथम येत सहायक अभियंता या पदावर निखिल ची निवड झाल्याबदल माजी नगराध्यक्ष अरुण धोटे यांनी त्याच्या राहत्या घरी भेट घेऊन शाल, श्रीफळ, पुष्पगुच्छ देऊन सत्कार केला व त्याच्या या यशाबद्दल त्याचे, त्याच्या आई - वडीलाचे अभिनंदन केले. या प्रसंगी श्री. धोटे यांनी सांगितले की, न. प. राजुरा च्या या अत्याधुनिक सुविधा संपन्न अभ्यासिकेच्या माध्यमातून अनेक विद्यार्थ्यांनी स्पर्धा परीक्षेची तयारी सुरू केली असून अल्पावधीतच ४ विद्यार्थी विविध स्पर्धा परीक्षेत यशस्वी झाले आहेत. राजुराच्या युवक - युवतींनी या अभ्यासिकेचा लाभ घेऊन यशस्वी व्हावे असे आवाहन त्यांनी केले आहे.

     या प्रसंगी माजी नगरसेवक प्रभाकर येरने, सरदार पटेल अभ्यासिकेचे ग्रंथपाल प्रविण बुक्कावार, लहु वांढरे, चेतन लांडे, सुरेश पडवेकर यासह अभ्यासिकेचे विद्यार्थी उपस्थित होते.