घुग्घुस येथे तंबाखूची तस्करी करणाऱ्या एकाला पोलिसांनी केली अटक

, 3 लाखांचा मुद्देमाल जप्त

 घुग्घुस: सुगंधित तंबाखूची तस्करी करणाऱ्या एकाला घुग्गुस पोलिसांनी अटक केली असून 3 लाखांचा मुद्देमाल जप्त करण्यात आला आहे.अमरजीत धुप्रसाद गुप्ता असे अटकेतील आरोपीचे नाव असून तो चंद्रपुर शहरातील रयतवारी परिसरातील रहिवासी आहे.

घुग्गुस पोलिसांचे पथक मंगळवारी रात्री शहरातील केमिकल वार्डात पेट्रोलिंग करत असताना पांढऱ्या रंगाची चारचाकी वाहन उभे दिसले.वाहनजवळ जाऊन पोलिसांनी वाहनाची तपासणी केली असता मोठ्या प्रमाणात हुक्का शिशा तंबाखू,माजा तंबाखू, ईगल तंबाखू आढळून आला. यावेळी पोलिसांनी सर्व मुद्देमाल जप्त करत चारचाकी वाहनाला पोलीस ठाण्यात लावले आहे.आरोपीवर प्रतिबंधित सुगंधित तंबाकू कलम अंतर्गत गुन्हा दाखल करण्यात आला असून आरोपीला अटक करण्यात आली आहे.यावेळी पोलिसांनी 3 लाखांचा मुद्देमाल जप्त केला आहे.ही कारवाई सहायक पोलिस निरीक्षक मेघा गोखरे यांच्या मार्गदर्शनाखाली मनोज धकाटे, नितीन मराठे,दीपक अहिरवार आदींनी केली आहे.