वेकोलीने विषारी पाणी सोडले वर्धा नदीत, नागरिकांचे आरोग्य धोक्यात

घुग्घुस प्रतिनीधी:

मुंगोली कोळसा खाणीतून निघणारे विषारी व दूषित पाणी वेकोलीने वर्धा नदीत सोडले असून चंद्रपुर तालुक्यातील घुग्गुस परिसरातील शेकडो गावातील नागरिकांचे आरोग्य धोक्यात आले आहे. विशेष म्हणजे अत्यंत चतुराईने वेकोली प्रशासनाने पाईपलाईन टाकून विषारी पाणी वर्धा नदीत सोडण्याचे कारस्थान केले आहे.

मागील अनेक वर्षांपासून मुंगोली येथील वेकोलीच्या कोळसा खाणीत विषारी पाणी साचून होते.दरम्यान हे पाणी आता थेट पाईपलाईन द्वारे वर्धा नदीत सोडले जात असल्याने नागरिकाच्या जीवाशी खेळण्याचे काम वेकोली द्वारे करण्यात येत आहे.या विषारी पाण्यामुळे शेतपिकांना मोठा फटका सुद्धा बसणार आहे.त्यामुळे वेकोली प्रशासनाने पाईपलाईन तात्काळ हटवावे अशी मागणी काँग्रेस शहर अध्यक्ष राजूरेड्डी कामगार नेते सैय्यद अनवर व गावकऱ्यांनी केल आहे.