घुग्घुस शहरातील न्यू रेल्वे सायडिंग वाहतुकीसाठी करण्यात आला बंद*

*

घुग्घुस प्रतिनीधी:

चंद्रपुर तालुक्यातील घुग्घुस शहरातील न्यू रेल्वे सायडिंग वाहतुकीसाठी बंद करण्यात आला असून सायकल व पायदळ चालणाऱ्या नागरिकांसाठी हा पूल सुरू राहणार असल्याची माहिती रेल्वे पोलीस निरीक्षक कृष्णनंद राय यांनी दिली आहे.त्यामुळं या पुलावरून दुचाकीस्वरांनी मार्गक्रमण करू नये असे आवाहन करण्यात आले आहे.

घुग्घुस शहरातील हा पूल अत्यंत जुना असून पूल कमजोर झाला आहे.या पुलाची डागडुजी करणे आवश्यक असून रेल्वे प्रशासनाने खबरदारी म्हणून हा पूल वाहतुकीसाठी बंद करण्यात आला.नुकताच बल्लारपूर रेल्वे स्थानकावर रेल्वे फुट ओवर ब्रिजचा स्लॅब कोसळला. प्रवासी चालत जात असताना अचानक एक स्लॅब कोसळून 15 ते 20 प्रवासी जखमी झाल्याची घटना घडली होती.

घटनेची पुनरावृत्ती होऊ नये म्हणून रेल्वे प्रशासनाने हा पूल दुचाकी धारकांसाठी बंद करण्याचा निर्णय घेतला आहे.त्यामुळं या पुलावरून फक्त सायकल स्वार व पायदळ जाणाऱ्या नागरिकासाठी खुला असणार आहे.