पारंपारिक सणाला आधुनिकतेची जोड देत सशक्त व्हा : राजूरेड्डी

हळद - कुंकू - तीळ गुड उत्सव

घुग्घूस : मकरसंक्रांतीच्या औचित्यावर काँग्रेस नेत्या संगीता किशोर बोबडे यांच्या वतीने विठ्ठल मंदिर देवस्थान येथे दिनांक 18 जानेवारी रोजी दुपारी तीन वाजता हळद - कुंकू तीळ गुड वाटप कार्यक्रम घेण्यात आले.

महिलांवरील वाढत्या अत्याचारावर चिंता व्यक्त करीत महिला सशक्तीकरणाबाबत जनजागृतीपर विचार व्यक्त करण्यात आले.

कार्यक्रमाच्या अध्यक्षपदी काँग्रेस नेते राजूरेड्डी तर प्रमुख पाहुणे सैय्यद अनवर, सौ. सरस्वतीताई पाटील,श्रीमती बेबीताई नागपुरे,सौ. रेखा ताई काळे,जनाबाई निमकर,

या उपस्थित होत्या आपल्या अध्यक्षीय भाषणात रेड्डी यांनी उपस्थित महिलांना हळदी कुंकू कार्यक्रमाचे महत्त्व पटवून सांगितले तसेच आपल्या पारंपरिक सणांना आधुनिकतेची जोड देऊन महिलांनी सशक्त व्हावे असे आवाहन करण्यात आले.

कार्यक्रमा प्रसंगी महिलांची ओटी भरून वाण वाटप करण्यात आले

कार्यक्रमाच्या यशस्वीतेसाठी सौ. मंगला बुरांडे, सौ. रेखा रेगुंडवार,सुनंदा क्षिरसागर यांनी अथक परिश्रम घेतले

कार्यक्रमाचे संचालन सुनील पाटील यांनी तर आभार प्रदर्शन रोशन दंतलवार यांनी केले