माजरी येथे शेतशिवारात करंट लागल्याने एका वाघीनाचा मृत्यु

चंद्रपुर :जिल्हातील  माजरी गावापासून त दोन कि मी.अंतरावर असलेल्या वरोरा-भद्रावती रेल्वे मार्गावर सी-कॅबिनच्या पोल  जवळ असलेल्या देवराव पाटेकर यांच्या शेतशिवारात आज रविवारला सकाळच्या सुमारास वाघिणीचा मृतदेह रेल्वे कर्मचाऱ्यांना आढळून आला

.ज्या ठिकाणी वाघिणीचा मृतदेह आढळला त्याठिकाणी जंगली प्राण्यांपासून शेतातील शेतपिकांना वाचविण्यासाठी शेतकऱ्यांकडून सोलर पॉवर द्वारे विद्युत प्रवाहांचे तार लावण्यात आले असल्याचे सांगितले जाते.सदर वाघीनीला विजेचा धक्का लागून तिचा जागीच मृत्यु झाला असावा अंदाज वर्तविण्यात येत आहे.

या वाघिणीचा मृत्यु कोणत्या कारणाने झाला हे वनविभागाने अजून स्पष्ट केले नाही.ही बातमी वाऱ्यासारखी पसरताच वाघिणीला बघण्यासाठी नागरिकांनी घटनास्थळी मोठी गर्दी केली होती. यामुळे माजरीचे पोलीस निरीक्षक अजितसिंग देवरे पोलीस कर्मचाऱ्यांना घेऊन घटनास्थळी दाखल झाले यानंतर वनविभागाचे अधिकारी घटनास्थळी दाखल होवून घटनेचा पंचनामा केला आणि वाघिणीचा मृतदेह उत्तरीय तपासणी करिता पाठविण्यात आला.

या घटनेचा पुढील तपास चंद्रपूरचे विभागीय वन अधिकारी प्रशांत खाडे, ताडोबाचे क्षेत्रीय संचालक जितेंद्र रामगावकर, मुख्य वनसंरक्षण प्रकाश लोणकर, सहायक वन संरक्षक निकिता चौरे,वनपरीक्षेत्र अधिकारी हरिदास शेंडे व क्षेत्र सहाय्यक विकास शिंदे भद्रावती हे करीत आहे.