प्रकल्पग्रस्तांच्या प्रश्नांवर आमदार सुभाष धोटेंची वेकोली अधिकाऱ्यांशी चर्चा.

प्रकल्पग्रस्तांच्या प्रश्नांवर आमदार सुभाष धोटेंची वेकोली अधिकाऱ्यांशी चर्चा.

✍️दिनेश झाडे

चंद्रपूर जिल्हा प्रतिनिधी

चंद्रपूर/राजुरा :-- वेकोलिच्या बल्लारपूर क्षेत्रीय मुख्य महाप्रबंधक कार्यालय येथे लोकप्रिय आमदार सुभाष धोटे यांनी मुख्य महाप्रबंधक एस. एस. डे, नियोजन अधिकारी पुलय्या आणि अन्य अधिकाऱ्यांची बैठक घेऊन सास्ती, धोपटाळा, रामपूर येथील नागरिकांच्या उपस्थितत स्थानिक प्रकल्पग्रस्त भागातील नागरिकांच्या समस्या सोडविण्यासाठी वेकोली प्रशासनाने पुढाकार घ्यावा असे आवाहन केले.

       यात प्रामुख्याने जड वाहतुकीमुळे सास्ती ते रामपूर रस्ता खराब होत असल्याने जड वाहतुकीसाठी रामपूर व धोपटाळा गावाच्या बाहेरून रस्ता करणे, सास्ती ते रामपूर रस्त्याच्या दोन्ही बाजुने लाईटची व्यवस्था करणे, रामपूर व धोपटाळा गावांसाठी CSR निधी उपलब्ध करून देणे, रामपूर पुनर्वसन गावास पट्टे मिळणे, धोपटाळा, सास्ती, मात्रा, पोपनी, गोवारी, कोलगाव, येथील प्रकल्प ग्रस्तांना नोकरी मिळणे व उर्वरित शेत जमिनी संपादित करणे, कोलगावचे पुनर्वसन करणे, परिसरातील नागरिकांना WCL अंतर्गत रुग्णालयात मोफत उपचार देणे इत्यादी मागण्यांवर सकारात्मक चर्चा करण्यात आली. या प्रसंगी स्थानिक नागरिकांच्या या समस्या तातडीने सोडविण्यात याव्यात अशा सूचना आ. धोटे यांनी दिल्या.

       या प्रसंगी माजी नगराध्यक्ष अरुण धोटे, कामगार नेते आर.आर. यादव, अनंता एकडे, नागेश मेदर, धोपटाळा चे सरपंच मैनाबाई ननावरे, उपसरपंच राजकुमार पाटील, रामपूर सरपंच वंदना गौरकार, ग्रा. प. सदस्य जगदिश्वर बुटले, राजु पिपळशेंडे, रमेश झाडे, दिपक झाडे, श्रीधर रावला, प्रणाली जुलमे, दिपा बोंतल, अजय सकिनाला, कोमल फुसाटे, अमित मालेकर, छाया वैध, संदिप नन्नावरे, दिनेश वैरागडे, शरद शेंडे, नागेश बोंतल, सचिन शीरसागर, कृष्णा खंडाळे, गजेंद्र वांढरे, रमन जरिया, हारून शेख, रोहीत नांदे, शुभम मुने, सोमेश्वर बंडावार, सोनुरले, रोहित नांदे यासह अनेकांची उपस्थिती होती.