*आमदार सुभाष धोटेंनी केली राजुऱ्याच्या निर्माणाधिन पशुवैद्यकीय सर्व चिकित्सालय इमारतीची पाहणी*

*आमदार सुभाष धोटेंनी केली राजुऱ्याच्या निर्माणाधिन पशुवैद्यकीय सर्व चिकित्सालय इमारतीची पाहणी*

 चंद्रपूर प्रतिनिधी

✍️दिनेश झाडे

चंद्रपूर/राजुरा  :-- राजुरा येथे आमदार सुभाष धोटे यांच्या अथक प्रयत्नाने मंजूर झालेल्या ४ कोटी रुपये किमतीच्या तालुका लघु पशुवैद्यकीय सर्व चिकित्सालय इमारतीचे बांधकाम सुरू झाले असून आमदार सुभाष धोटे यांनी सदर निर्माण कार्याची प्रत्यक्ष भेट देऊन पाहणी केली. तसेच सदर काम तातडीने पूर्ण करण्याच्या सूचना संबंधितांना दिल्या.

         राजुरा येथे तालुक्याच्या ठिकाणी ५० ते ६० वर्षांपूर्वी बांधलेली पशुवैद्यकीय चिकित्सालय इमारत पूर्णतः मोडकळीस आली होती. राजुरा येथे सर्व सोई - सुविधा, यंत्र सामुग्री असणारे अद्यावत  पशुवैद्यकीय चिकित्सालय निर्माण करण्याची संकल्पना व त्याची आवश्यकता आ. धोटे यांच्या लक्षात आली. त्यामुळे त्यांनी यासाठी सातत्याने पाठपुरावा केला. त्यांच्या अथक प्रयत्नानंतर   जागेचा ७/१२ तयार करुन सदर जागेवर इमारत बांधकामासाठी ४ कोटी रुपये निधी मंजूर करून इमारतीचे बांधकामास सुरुवात झाली. इमारतीचे काम युद्ध पातळीने पूर्ण करून शेतकरी बांधवांच्या पशूधनाची काळजी घेण्याच्या दृष्टीने पशुवैद्यकीय सर्व चिकित्सालय तातडीने सुरू करावे अशा सूचना आमदार सुभाष धोटे यांनी यावेळी दिल्या.

         या प्रसंगी राजुराचे माजी नगराध्यक्ष अरुण धोटे, बांधकाम विभागाचे उपविभागी अभियंता आकाश बाजारे, जिल्हा परिषद चे बांधकाम अभियंता खापने, पशुवैद्यकीय सर्वचिकित्सालयाचे पशुवैद्यकीय अधिकारी व परिसरातील पशुपालक उपस्थित होते.