रुग्णसेवक जिवन तोगरे यांना राज्यस्तरीय आरोग्य भूषण पुरस्कार २०२२ जाहीर

दिनेश झाडे (चंद्रपूर जिल्हा प्रतिनिधी)   :- यावर्षीचा राज्यस्तरीय आरोग्य भूषण पुरस्कार २०२२ हा आरोग्य क्षेत्रात उल्लेखनीय कार्य करणारे रुग्णसेवक जिवन तोगरे जनकल्याण बहुद्देशीय संस्था चे सचिव रुग्णसेवक जिवन तोगरे  यांना जाहीर झाला आहे. दि. २५ डिसेंबर २०२२ ला रविवारी अहमदनगर येथे होणाऱ्या राज्यस्तरीय सोहळ्यामध्ये रुग्णसेवक जिवन तोगरे यांना हा पुरस्कार प्रदान करण्यात येणार आहे.

 दरवर्षी राज्यातील आरोग्य क्षेत्रात उल्लेखनीय कार्य करणाऱ्या व्यक्तीला सरपंच सेवा

संघटने द्वारा या पुरस्कारासाठी निवड करण्यात येते रुग्णसेवक जिवन तोगरे  यांनी जनकल्याण बहुद्देशीय संस्थेच्या माध्यमातून चंद्रपूर जिल्ह्यात जिवती व कोरपणा या तालुक्यात दुर्गम आदिवासी भागात निस्वार्थ आरोग्य सेवेमध्ये कोरोना काळात रक्तदान शिबीर कार्यक्रम राबविला आहे.

सॅनिटरी नॅपकिन वितरण व महिलांच्या आरोग्याबद्दल महिलांना जागृत करण्यात येते तसेच विविध आरोग्य शिबिर द्वारे हजारो रुग्णांना मोफत उपचार देण्यात आले आहेत यामध्ये मोफत मोतीबिंदू शिबिर मोफत बालरोग शिबिर मोफत स्त्रीरोग शिबिर मोफत जनरल तपासणी शिबिर आयोजित केले आहेत त्याचप्रमाणे तालुक्यातील कुपोषित बालकांना मोफत आरोग्य तपासणी करून आहार पोषण वाटप केलेले आहेत.