घुग्घुस-नायगाव-चंद्रपुर बससेवा सुरू करा.

देवानंद ठाकरे घुग्घुस प्रती:  घुग्घुस-नायगाव-चंद्रपुर बससेवा सुरू करा अशी मागणी विद्यार्थ्यांनी केली असून विद्यार्थ्यांनी विजय पिदुरकर यांच्या नेतृत्वाखाली चंद्रपुर आगार प्रमुखांना निवेदन दिले आहे.चंद्रपुर-यवतमाळ जिल्ह्याला जोडणारा एकमेव मार्ग म्हणून वणी घुग्घुस बेलोरा पूल आहे.या मार्गावरील अनेक गावातील विद्यार्थी चंद्रपुर ला शिक्षण घेत असून मागील पाच ते सहा महिन्यांपासून बस फेरी बंद आहे.

बसफेरी बंद असल्याने विद्यार्थ्यांना नाहक त्रास सहन करावा लागत असून आटो, किंवा इतर साधनांचा वापर करून शाळेत ये जा करावे लागत आहे.त्यामुळे विद्यार्थ्यांना आर्थिक त्रास सहन करावा लागत असून शाळेचे बस येत नसल्यानं विद्यार्थ्यांचे वर्ग बुडत आहे.सोबतच घरी ये जा करताना उशीर होत आहे.

त्यामुळं घुग्घुस-नायगाव-चंद्रपुर बससेवा सुरू करा अशी मागणी विद्यार्थ्यांनी केली असून विद्यार्थ्यांनी विजय पिदुरकर यांच्या नेतृत्वाखाली चंद्रपुर आगार प्रमुखांना निवेदन दिले आहे.