शहरात लागणार पथदिवे काँग्रेसच्या मागणीला यश : राजूरेड्डी

घुग्घूस  : महाविकास आघाडी शासनाच्या वतीने ग्रामपंचायत घुग्घूसला नगरपरिषदेचा दर्जा मिळाला यानंतर शहराचा विकास व्हावा शहराच्या सौंदर्यात भर पडावी याकरिता शहर काँग्रेसच्या वतीने काँग्रेस अध्यक्ष राजूरेड्डी, किसान जिल्हाध्यक्ष रोशन पचारे, पवन आगदारी यांच्या माध्यमातून तत्कालीन नगरपरिषदेचे मुख्याधिकारी सौ. अर्शिया जुही यांना दिनांक 02 सप्टेंबर 2021 रोजी शहरातील मुख्य मार्गावर पथदिवे लावण्या संदर्भात निवेदनातून मागणी करण्यात आली होती.

सदर मागणी पूर्ण होऊन शहरात पथदिवे लावण्यात येणार असून सदर कामाची प्रत्यक्ष पाहणी देखील करण्यात आली आहे.

सदर कार्यामुळे शहराच्या सौंदर्यात भर पडेल काँग्रेस तर्फे शहराच्या विकासासाठी कटिबद्ध राहू असे प्रतिपादन ही काँग्रेस अध्यक्षाने केले आहे.