इन्फंट च्या चिमुकल्यांनी सादर केल्या भुमिका अभिनयातून कविता...

दिनेश झाडे (चंद्रपूर जिल्हा): राजुरा :-- इन्फंट जिजस सोसायटी द्वारा संचालित इन्फंट जीसस इंग्लिश पब्लिक हायस्कूल राजूरा येथे प्री प्राइमरी अंतर्गत एलकेजी आणि यूकेजी च्या विद्यार्थ्यानकरिता भुमिका अभिनयातून कवितेचे सादरीकरण स्पर्धेचे आयोजन करण्यात आले. 

यामध्ये मोठ्या प्रमाणात विद्यार्थ्यांनी सहभाग घेतला आणि आपल्या उत्तम भुमिका अभिनय आणि कविता सादरीकरणाने उपस्थितांची मने जिंकली. विद्यार्थ्यांनी जवान, सूर्य, भालू, बकरी, टमाटर, मांजर, आलू, धरती अशा विविध प्रकारच्या भूमिकांमध्ये आपल्या सुंदर अशा कविता सादर केल्या.

या प्रसंगी मुख्याध्यापिका सिमरन कौर भंगू, मुख्याध्यापक रफीक अंसारी, माधुरी ईरकी, पालक प्रतिनिधी म्हणून साईनाथ बतकमवार, भाग्यश्री विधाते, सुशील वाघमारे, महेश पोटे, संध्या हजारे यासह अनेकांची उपस्थिती होती. 

कार्यक्रमाचे संचालन नीता जक्कनवार, जयश्री झिल्पे यांनी केले तर आभार प्रदर्शन गीता बुरहान यांनी केले. कार्यक्रमाला यशस्वीरीत्या पार पाडण्याकरिता शिक्षिका वरलक्ष्मी इरगुराला, नीतू सिंग यासह सर्व शिक्षक, शिक्षकेत्तर कर्मचारी, विद्यार्थी परिश्रम घेतले.