चंद्रकांत पाटील यांची तंत्र व उच्च शिक्षणमंत्री पदावरून हकालपट्टी करा ।। महिला दक्षता समिती घुग्घुस मागणी

घुग्घुस: येथील महिला दक्षता समितीने तंत्र व उच्च शिक्षणमंत्री पदावरून चंद्रकांत पाटील यांची हकालपट्टी करा अशी मागणी निवेदनातून केली आहे.

महाराष्ट्र हा छत्रपती शिवाजी महाराज, ज्योतिबा फुले, डॉ. बाबासाहेब आंबेडकर, शाहू महाराज, कर्मवीर भाऊराव पाटील यांच्या विचारांच्या वारसाने चालणारा आहे.

तंत्र व उच्च शिक्षणमंत्री चंद्रकांत पाटील यांनी डॉ. बाबासाहेब आंबेडकर, महात्मा ज्योतिबा फुले यांनी भीक मांगून शाळा काढण्याचे वादग्रस्त वक्तव्य करून बहुजनांचे मन दुखविले आहे. त्यामुळे तत्काळ तंत्र व उच्च शिक्षणमंत्री पदावरून चंद्रकांत पाटील यांची हकालपट्टी करण्यात यावी अशी मागणी मुख्यमंत्री एकनाथ शिंदे महाराष्ट्र मार्फत ठाणेदार पोलीस स्टेशन घुग्घुस यांना दिलेल्या निवेदनातून करण्यात आली आहे.

यावेळी महिला दक्षता समितीच्या सरस्वती पाटील, लक्ष्मी चांदेकर, दुर्गा पाटील, अमीना बेगम, अबीदा पठाण, मंगला बुरांडे, संगीता बोबडे उपस्थित होत्या.