माथा येथे दत्त जयंती महोत्सव आ. सुभाष धोटेंच्या हस्ते यात्रामोहत्सवाचे उद्घाटन.

भारतीय वार्ता 

  चंद्रपूर जिल्हा प्रतिनिधी

    ✍️दिनेश झाडे

चंद्रपूर/कोरपना :-- कोरपना तालुक्यातील मौजा माथा येथील दत्त मंदिर, गणेश मोड, देवघाट नाला येथे तीन दिवसीय दत्त जयंती यात्रा महोत्सवाचे आयोजन दत्त मंदिर समितीच्या वतीने आयोजित करण्यात आले. या महोत्सवाचे उद्घाटन लोकप्रिय आमदार सुभाष धोटे यांच्या हस्ते करण्यात आले. या प्रसंगी मार्गदर्शन करताना आमदार सुभाष धोटे म्हणाले की, देवघाट चा नाला आणि येथील दत्त मंदिर यांना फार पूर्वी पासून महत्त्वाचे स्थान आहे. आपण फार पूर्वीपासून येथे दत्त जयंती यात्रा महोत्सवाचे आयोजन श्रध्देने करीत आहात. येथे अतिशय चैतन्यदायी वातावरण निर्माण झाले आहे. येथील निर्माण कार्यासाठी, सुशोभीकरणासाठी आपण आमदार निधी उपलब्ध करू शकलो त्यामुळे मी स्वतःला धन्य समजतो. या ठिकाणाहून राष्ट्रीय महामार्ग होणार आहे. या मंदराला आनखी महत्त्व प्राप्त होणार आहे. या मंदिराला व येथील विकासकामांसाठी जास्तीत जास्त शासकीय निधी व मदत मिळवून देण्यासाठी आपण पाठपुरावा करणार असल्याची ग्वाही त्यांनी दिली.

             या प्रसंगी जेष्ठ नेते तथा जिल्हा मध्यवर्ती बँकेचे संचालक विजयराव बावणे, कोरपना काँग्रेसचे तालुकाध्यक्ष उत्तमराव पेचे, माजी उपसभापती संभाजी कोवे, भाऊराव चव्हाण, अध्यक्ष घनश्याम नांदेकर, वसंत मडावी,  उपाध्यक्ष शशिकांत आडकिने, विठ्ठल पिंपळकर, अरुण ठाकरे, संजय ठाकरे, रामेश्वर जाधव, अविनाश बोरकर, अनिल गोंडे, देवराव सोनटक्के, पुंडलिक उलमाले यासह मोठ्या संख्येने भाविक नागरिक उपस्थित होते.