नामदार सुधीरभाऊ मुनगंटीवार सेवा केंद्रात संविधान दिन

घुग्घुस येथील नामदार सुधीरभाऊ मुनगंटीवार सेवा केंद्रात भाजपा जिल्हाध्यक्ष देवराव भोंगळे व भाजयुमो प्रदेश उपाध्यक्ष विवेक बोढे यांच्या मार्गदर्शनात संविधान दिन साजरा करण्यात आला. यावेळी उपस्थित मान्यवरांनी भारतीय संविधान व भारतरत्न महामानव डॉ. बाबासाहेब आंबेडकर यांच्या प्रतिमेस पुष्पहार अर्पण करून मेणबत्ती प्रज्वलित करीत अभिवादन केले.

याप्रसंगी संविधानाच्या प्रास्ताविकेचे वाचन करण्यात आले.

यासोबतच २६/११ च्या क्रूर दहशतवादी हल्यात हुतात्म्यांना श्रद्धांजली देण्यात आली.

यावेळी भाजपाचे संजय तिवारी यांनी, बाबासाहेबांनी संविधान दिल्यामुळे आपल्या भारत देशात आज स्वातंत्र्य, समता, बंधुता व न्याय नांदत आहे. भारतरत्न महामानव डॉ. बाबासाहेब आंबेडकरांनी २६ नोव्हेंबर १९४९ रोजी हे पवित्र संविधान भारत देशाला अर्पण केले मि संविधानाला व महामानव डॉ. बाबासाहेब आंबेडकरांना अभिवादन करतो, असे प्रतिपादन केले.

यावेळी भाजपाचे संजय तिवारी, कुसुमताई सातपुते, बबलू सातपुते, साजन गोहने, सुरेंद्र जोगी, मनमोहन महाकाली, पारस पिंपळकर, पौर्णिमा कांबळे, पार्वती देहारे, शारदा झाडे, वैशाली भालशंकर, छाया पाटील, सुनीता पाटील, सुनंदा लिहीतकर, निशा उरकुडे, लता आवारी, प्रीती धोटे, शीतल कामतवार, खुशबू मेश्राम, उमेश दडमल उपस्थित होते.