घुग्गुस येथील माउंट कारमेल शाळेची स्कुल बस उशिरा येत असल्याने विद्यार्थ्यांचे शैक्षणिक नुकसान

एका बसमध्ये चक्क एकुण 150 विद्यार्थीना बसविले जात आहे

घुग्गुस:  येथील माउंट कारमेल शाळेची स्कुल बस उशिरा येत असल्याने विद्यार्थ्यांचे शैक्षणिक नुकसान होत असून एन परीक्षेच्या तोंडावर विद्यार्थ्यांना नाहक त्रास सहन करावा लागत आहे.तसेच शाळेतील शिक्षक विद्यार्थ्यांना उशिरा आल्यामुळे हाकलून लावत असल्याचा गंभीर आरोप येथील विद्यार्थ्यांनी केला आहे.

एसीसी माउंट कॉन्वेंट शाळेत या आधी दोन बसेस चालत होत्या.मात्र आता एकच स्कूल बस चालविण्यात येत आहे. दरम्यान एका बसमध्ये 47 विद्यार्थीच बसू शकतात.असे असताना मात्र बस मध्ये चक्क 150 विद्यार्थ्यांना कोंबून बसविले जात आहे. शाळेचा वेळ 7 वाजताची असून बस 1 तास उशिरा येत आहे.मात्र मुले शाळेत पोहोचताच त्यांना शिक्षक उशीर झाला म्हणून घरी हाकलून लावतात.त्यांना वर्गात बसू दिल्या जात नसल्याने त्यांचे शाळेतील वर्ग सुद्धा बुडत आहेत. त्यामुळं त्यांचे मोठे शैक्षणिक नुकसान होत आहे.

घुगूस शहरातील अमराई वार्ड व नकोडा येथून स्कुल बसमध्ये अनेक विद्यार्थी प्रवास करत असून एकाच बस मध्ये 150 विद्यार्थी बसून जात असून बसमध्ये बिघाड झाल्याचे सांगण्यात येते.मात्र 2 बस चालविण्यास हा प्रश्न मिटू शकतो. असे असताना मात्र एकाच बस मध्ये 150 विद्यार्थी कोंबून भरून नेत असून विद्यार्थिनीना नाहक त्रास सहन करावा लागत आहे.त्यामुळं घुग्गुस येथील माउंट कारमेल शाळेत 2 बसेस नियमित वेळेवर सोडण्यात यावे अशी मागणी विद्यार्थी व पालकांनी केली आहे.