आत्महत्याग्रस्त पीडित कुटुंबियांची सुदामभाऊ राठोड यांनी घेतली भेट*

*भारतीय वार्ता :

---------------------------------------------------

अतिदुर्गम भाग म्हणून ओळख असलेल्या जिवती तालुक्यातील राहपली खुर्द येथील शेतकरी बाबुराव गणपती मुंडे (वय ४३ वर्ष) यांनी सततच्या नापिकीमुळे कर्जबाजारी झाल्याने व SBI पाटण बँकेचे 1 लाख 25 हजार रुपये कर्ज असल्याने, शेतात तर केलेला खर्च निघत नाही म्हणून कर्जापायी 15 तारखेला सकाळी 10 वाजता विषप्राशन करून आत्महत्या केली,मग या शेतकऱ्याचा वाली कोण? नाही शासन व नाही प्रशासन.जय विदर्भ पार्टीचे नेते सुदामभाऊ राठोड यांनी पीडित कुटुंबियांची भेट घेतली व प्रशासनाला विंनती केली व आत्महत्या ग्रस्त पीडित कुटुंबियाला तात्काळ 5 लाखाची आर्थिक मदत शासनातर्फे देण्यात यावी अशी मागणी केली, कारण पीडित कुटुंबियांचा आप्तपरिवार 1 मुलगा 3 मुली व पत्नी घरचा कर्ता गेल्याने हा परिवार आपला उदरनिर्वाह कसा करेल हा प्रश्न निर्माण झाला आहे. तरी शासनाने तात्काळ SBI पाटण बँकेचे 1 लाख 25 हजार रुपये माफ करावे व शासनातर्फे 5 लाखाची आर्थिक मदत देण्यात यावी असे सुदामभाऊ राठोड यांनी प्रशासनाला विनंती केली.