चार वर्षीय मुलीचा विजेचा शॉक लागून मृत्यू गावात शोककळा पसरली आहे

 भारतीय वार्ता :

जिवती :- विद्युत शॉक लागून एका चार वर्षांच्या मुलीचा मृत्यू झाल्याची हृदयद्रावक घटना शनिवारी सकाळी १० वाजण्याच्या सुमारास जिवती तालुक्यातील लांबोरी गावात घडली आहे. ललिता भीमराव मडावी (वय ४ वर्ष) असे मृत मुलीचे नाव आहे.

घराच्या अंगणात खेळत असताना घराशेजारी असलेल्या  विद्युत प्रवाह पुरवठा करणारी डीपीची पेटी उगडी होती, खेळाच्या नादात त्या विद्युत प्रवाह पेटीच्या विजेच्या तारेला तिचा स्पर्श झाल्याने तिला विजेचा जबर धक्का बसला, त्यातचं तिचा मृत्यू झाला.

विजेचा शॉक लागल्यानंतर ललिताला तातडीने रूणालयात दाखल करण्यासाठी सगळ्यांची धावपळ सुरू झाली. परंतु तोपर्यंत तिचा मृत्यू झाला होता. या घटनेने तिच्या कुटुंबाला मानसिक धक्का बसला आहे. चार वर्षांच्या मुलीचा मृत्यू झाल्याने लांबोरी गावावर शोककळा पसरली आहे.