अपघातात मृत्यू झालेल्या मृतकाच्या कुटुंबियांना पन्नास लाख नुकसान भरपाई देण्याच्या मागणीसाठी घुग्गुस-चिंचाळा मार्गावर नागरिकांनी केले चक्काजाम आंदोलन

अपघातात मृत्यू झालेल्या मृतकाच्या कुटुंबियांना पन्नास लाख नुकसान भरपाई देण्याच्या मागणीसाठी घुग्गुस-चिंचाळा मार्गावर नागरिकांनी रविवारी चक्काजाम आंदोलन केले.या आंदोलनांनंतर घुग्गुस चंद्रपुर मार्गावर जवळपास 5 किलोमीटर पर्यंत लांबच लांब रांगा लागल्या होत्या.दरम्यान आरोपी ट्रकचालकाला अटक करण्याची मागणी सुद्धा करण्यात आली.

चंद्रपुर-घुग्गुस मार्गावर चिंचाळा गावाजवळ ट्रक ने दुचाकीला धडक दिल्याची धक्कादायक घटना रविवारी सकाळी घडली असून या अपघातात एकाचा जागीच मृत्यू तर एकाचा रुग्णालयात उपचारादरम्यान मृत्यू झाला. तर एक जण गंभीर जखमी झाला आहे.संकेत झाडे व अनिकेत मत्ते असे मृतकाचे नाव असून अजय मातुलकर असे जखमीचे नाव आहे.जखमींवर जिल्हा सामान्य रुग्णालयात उपचार सुरू आहे.

दरम्यान या घटनेची माहिती पडोली पोलिसांना मिळताच पोलिसांनी घटनास्थळी दाखल होऊन पंचनामा केला.ट्रक चालकविरुद्ध गुन्हा दाखल करण्यात आला. त्यानंतर अपघातात मृत्यू झालेल्या मृतकाच्या कुटुंबियांना पन्नास लाख नुकसान भरपाई देण्याच्या मागणीसाठी घुग्गुस-चिंचाळा मार्गावर नागरिकांनी रविवारी चक्काजाम आंदोलन केले. आंदोलनाची माहिती मिळताच पडोली पोलिसांचे पथक घटनास्थळी दाखल झाले.दरम्यान आंदोलकांशी चर्चा करण्यात आले.