.घुग्गुस शहरातील नवीन दारू दुकान बंद करण्यासाठी भर पावसात शिवसेनेचे लोटांगण आंदोलन

घुग्गुस : शहरातील नवीन दारू दुकान हटविण्याच्या मागणीसाठी भर पावसात बुधवारी शिवसेनेच्या वतीनं  लोटांगण आंदोलन करण्यात आले.यावेळी शिवसेनेचे उपतालुका प्रमुख गणेश शेंडे, शहेशाह शेख, शिवसेना महिला नेता उजवला नलगे यांच्यासह युवा शिवसैनिक व अनेक नागरीकाची उपस्थिती होती.

दारूबंदी उठल्यानंतर नवीन देशीदारू तसेच वाईन शाप,बिअर शाप, दुकानाला घुग्गुस शहरात परवानगी देण्यात आली. वाईन शापला बसवुन दारू पिण्मायाचा परवाणगी नसतानाही राञी उशीरा पर्यत दारूची दुकाने उघडे असतात पुलिस प्रशासनचा या दुकानदारावर कोणतेही कारवाई होत नसल्यामुळे मुजोरीने दुकान सतत सुरू असते  22 जानेवारीला घुग्गुस नगरपरिषद मध्ये शिवसेनेच्या वतीनं नवीन दारू दुकानांना परवानगी देऊ नये असे पत्र देण्यात आले होते.मात्र सर्व नियम धाब्यावर बसवून प्रशासनाने या नवीन दारू दुकानाला परवानगी दिली.

या दारू दुकानजवळ शाळा, महाविद्यालय,डॉ बाबासाहेब आंबेडकर पुतळा,बँक,ब्युटी पार्लर आहे.तसेच याच रस्त्यावर दर रविवारीआठवडी बाजार सुद्धा भरत असून नागरिक व महिलांना याचा मोठा त्रास सहन करावा लागत आहे.इतकेच नव्हे तर या परिसरात संपूर्ण दारू मुळे दुर्गंधी पसरत असून नागरिकांचे आरोग्य सुद्धा धोक्यात आले आहे. याबाबत जिल्हाधिकारी, पोलीस अधीक्षक, राज्य उत्पादन शुल्क विभाग ,घुग्घुस पोलीस स्टेशन व नगरपरिषदकडे या अवैध दारू दुकानाची परवानगी रद्द करण्याची मागणी घुग्गुस शिवसेनेच्या वतीनं करण्यात आली होती.मात्र शिवसेनेच्या निवेदनाकडे प्रशासनाने दुर्लक्ष केले.

मात्र घुग्गुस शहरातील दारू दुकान हटविण्याच्या मागणीसाठी भर पावसात बुधवारी शिवसेनेच्या वतीनं  लोटांगण आंदोलन करण्यात आले.दारू दुकान तात्काळ हटवा अन्यथा यापेक्षा तीव्र आंदोलन करू असा इशारा शिवसेनेच्या वतीनं देण्यात आला आहे.