बेलसनी जि. प. उच्च प्राथ. शाळेत सहाय्यक शिक्षक द्या

शाळा व्यवस्थापन समितीची मागणी

घुग्घुस : येथून जवळच असलेल्या बेलसनी गावातील जि. प. उच्च प्राथ. शाळेत एक सहाय्यक शिक्षक देण्याची मागणी शाळा व्यवस्थापन समितीने शिक्षणाधिकारी (प्राथ.) जि.प. चंद्रपूर यांना दिलेल्या निवेदनातून केली आहे.

   बेलसनी हे जवळपास गाव १,००० हजार लोकवस्तीचे असून येथे पं. स. चंद्रपूर अंतर्गत वर्ग १ ते ७ पर्यंतची जि. प. उच्च प्राथ. शाळा आहे. येथील विद्यार्थ्यांची पट संख्या ७३ असून शिक्षण घेत आहे. सध्या या शाळेत तीन शिक्षक कार्यरत आहे.

  यापूर्वी या शाळेत चार शिक्षक कार्यरत होते परंतु यातील एक शिक्षक सेवानिवृत्त झाल्याने एका शिक्षकाची जागा रिक्त आहे.

कोविडच्या काळानंतर प्रथमच शाळा नियमित सुरु झाली आहे. परंतु शिक्षकांची संख्या अपुरी असल्याने मुलांचे शैक्षणिक नुकसान होत आहे.

  चालू शैक्षणिक सत्र प्रारंभ झाल्यापासून तीन महिने होत आहे. परंतु आता पर्यंत सहाय्यक शिक्षक शाळेला मिळाला नाही.

त्यामुळे येथील शाळा शिक्षण समितीतर्फे निवेदन देऊन रिक्त सहाय्यक शिक्षकाची जागा भरण्याची मागणी करण्यात आली आहे.

  यावेळी सरपंच इंदिरा पोले, उपसरपंच मंगेश लोढे, सदस्य प्रकाश विधाते, शाळा समिती उपाध्यक्ष वंदना पडगेलवार, सदस्य चैताली पडगेलवार, गावकरी जयश्री दूरड, गजानन बोढे उपस्थित होते.