घुग्घुस शहरातील देशी दुकान हटविण्याची मागणीसाठी शिवसेनेचे बुधवारी लोटांगण आंदोलन,

जिल्हाधिकाऱ्यांसह पोलीस अधीक्षकांना निवेदन

घुग्घुस: शहरातील देशी दुकान हटविण्याची मागणीसाठी शिवसेनेच्या वतीने बुधवारी लोटांगण आंदोलन करण्यात येणार असून जिल्हाधिकाऱ्यांसह पोलीस अधीक्षक व राज्य उत्पादन शुल्क विभाग तसेच घुग्घुस नगरपरिषद ला  निवेदन देण्यात आले आहे.

घुग्घुस शहरात नियम धाब्यावर बसवून सुरू असलेले देशी दारू दुकान बंद करा अशी मागणी घुग्गुस शिवसेनेचे उपतालुका प्रमुख गणेश शेंडे यांनी वारंवार केली.याबाबत जिल्हाधिकारी, राज्य उत्पादन शुल्क विभाग,नगरपरिषद यांना वारंवार निवेदन सादर करण्यात आले होते.मात्र त्यांच्या निवेदनाकडे दुर्लक्ष करण्यात आल्याने शिवसेनेच्या वतीनं आता 21 तारखेला लोटांगण आंदोलन करण्यात येणार आहे.केली असून तसे निवेदन आज सोमवारी जिल्हाधिकारी मार्फत मुख्यमंत्री व राज्य उत्पादन शुल्क विभागाला देण्यात आले आहे.

दारूबंदी उठल्यानंतर नवीन देशीदारू दुकानाला घुग्गुस शहरात परवानगी देण्यात आली.मात्र 25 जानेवारीला घुग्घुस नगरपरिषद मध्ये शिवसेनेच्या वतीनं नवीन दारू दुकानांना परवानगी देऊ नये असे पत्र देण्यात आले होते.मात्र सर्व नियम धाब्यावर बसवून प्रशासनाने या दारू दुकानाला परवानगी दिली.

या दारू दुकानजवळ शाळा, महाविद्यालय,डॉ बाबासाहेब आंबेडकर पुतळा,बँक आहे.तसेच याच रस्त्यावर दर रविवारीआठवडी बाजार सुद्धा भरत असून नागरिक व महिलांना याचा मोठा त्रास सहन करावा लागत आहे.इतकेच नव्हे तर या परिसरात संपूर्ण दुर्गंधी पसरत असून नागरिकांचे आरोग्य सुद्धा धोक्यात आले आहे. याबाबत वारंवार नगरपरिषद कडे या अवैध दारू दुकानाची परवानगी रद्द करण्याची मागणी घुग्घुस शिवसेनेच्या वतीनं करण्यात आली होती.मात्र शिवसेनेच्या निवेदनाकडे नगरपरिषद प्रशासनाने दुर्लक्ष केले.

दरम्यान आज सोमवारी सौ, उज्जवला प्रमोद नलगे जिल्हा संघटक, शिवसेना महिला आघाडी, शिवसेनेचे उपतालुका प्रमुख गणेश शेंडे यांनी  जिल्हाधिकारी मार्फत मुख्यमंत्री व राज्य उत्पादन शुल्क विभागाला निवेदन दिले आहे.तसेच 21 तारखेला लोटांगण आंदोलन करण्यात येणार असल्याची माहिती त्यांनी दिली आहे.