घुग्घुस शहरातील देशी दारूचे दुकान बंद करा ।। शिवसेनेचे जिल्हाधिकारी मार्फत मुख्यमंत्री, राज्य उत्पादन शुल्क विभागाला निवेदन

घुग्घुस: घुग्घुस शहरात नियम धाब्यावर बसवून सुरू असलेले देशी दारू दुकान बंद करा अशी मागणी घुग्गुस शिवसेनेचे उपतालुका प्रमुख गणेश शेंडे यांनी केली असून तसे निवेदन आज सोमवारी जिल्हाधिकारी मार्फत मुख्यमंत्री व राज्य उत्पादन शुल्क विभागाला देण्यात आले आहे. अन्यथा तीव्र आंदोलन करू असा इशारा घुग्घुस येथील  शिवसेनेचे उपतालुका प्रमुख गणेश शेंडे यांनी दिला आहे.

दारूबंदी उठल्यानंतर नवीन देशीदारू दुकानाला घुग्गुस शहरात परवानगी देण्यात आली.मात्र 22 जानेवारीला घुग्घुस नगरपरिषद मध्ये शिवसेनेच्या वतीनं नवीन दारू दुकानांना परवानगी देऊ नये असे पत्र देण्यात आले होते.मात्र सर्व नियम धाब्यावर बसवून प्रशासनाने या दारू दुकानाला परवानगी दिली.

या दारू दुकानजवळ शाळा, महाविद्यालय,डॉ बाबासाहेब आंबेडकर पुतळा,बँक आहे.तसेच याच रस्त्यावर दर रविवारीआठवडी बाजार सुद्धा भरत असून नागरिक व महिलांना याचा मोठा त्रास सहन करावा लागत आहे.इतकेच नव्हे तर या परिसरात संपूर्ण दुर्गंधी पसरत असून नागरिकांचे आरोग्य सुद्धा धोक्यात आले आहे. याबाबत वारंवार नगरपरिषद कडे या अवैध दारू दुकानाची परवानगी रद्द करण्याची मागणी घुग्घुस शिवसेनेच्या वतीनं करण्यात आली होती.मात्र शिवसेनेच्या निवेदनाकडे नगरपरिषद प्रशासनाने दुर्लक्ष केले.

दरम्यान आज सोमवारी शिवसेनेचे उपतालुका प्रमुख गणेश शेंडे यांनी  जिल्हाधिकारी मार्फत मुख्यमंत्री व राज्य उत्पादन शुल्क विभागाला निवेदन दिले आहे.

सदर या देशी दारू भट्टीवरुन दारु पिऊन नशेत मद्यंधूद बेवळ्यांच्या जमाव व तमाशे सुरु असते यामुळे महिलांना व शालेय मुली व मुलांना नाहक त्रास सहन करावा लागत आहे,लवकरात लवकर तोडगा निघाला नाही तर दारु भट्टी समोर लोटांगण आंदोलन करण्यात येईल,याची सर्वस्वी जवाबदारी प्रशासनाची राहिल,