वर्धा नदीला पूर आल्यानं धानोरा गावाचा संपर्क तुटला,वाहनाच्या लागल्या रांगा, चंद्रपुर-धानोरा- गडचांदूर मार्ग बंद

देवानंद ठाकरे (घुग्घुस प्रतिनिधि): चंद्रपुर तालुक्यातील घुग्घुस येथून जवळच असलेल्या धानोरा-गडचांदूर मार्गावरील वर्धा नदीच्या पूलावरून पाणी वाहू लागल्याने हा मार्ग बंद झाला. त्यामुळे या मार्गावरील वाहतूक ठप्प झाली आहे. मार्ग बंद झाल्याने जडवाहनांच्या रांगा लागल्या आहे.दरम्यान धानोरा गावाचा संपर्क तुटल्याने अनेकांच्या शेतात पाणीच पाणी साचले आहे.

जिल्ह्यात विश्रांतीनंतर शनिवारी, सायंकाळी पावसाने कमीअधीक प्रमाणात हजेरी लावली तर काही ठिकाणी दमदार हजेरी लावली. रविवारी व सोमवारी दिवसरात्र पाऊस सुरू असल्याने नदी, नाल्यांना पूर आला आहे.

जुलै महिन्यात २० दिवस संततधार पावसाने हजेरी लावली होती. त्यामुळे सर्वत्र पूरपरिस्थिती निर्माण होऊन शेती व घरांचे मोठया प्रमाणात नुकसान झाले होते.दरम्यान 10 ऑगस्टपासून सूरु असलेल्या पावसाने धानोरा गावाचा संपर्क तुटल्याने नागरिक बेहाल झाले आहेत.

या 2022 मध्ये शेतकरी बाधवांना खूप मोठा त्रास सहन करावा लागले असून, वर्धा नदीच्या पूरपरिस्थितीने शेतीचे मोठ्या प्रमाणात नुकसान झाले, असून गळचांदूर औद्योगिक कारखाने असल्याने जड वाहनाची वळदऴ सुरुच असते,ट्रांन्सपोर्टरांना मोठ्या प्रमाणात नुकसान होत असून, या पुलाचे ऊंची वाढविण्यात यावी अशी मागणी शासनाला करण्यात येत आहे, या 20220 ला सातव्यादां पूल बंद झाले आहे.

शेतकरी बाधवांच्या तसेच अन्य रहदारीचा संपर्क तूटले, या पुलाचे आमदार,खासदार,पालकमंत्री, वनमंत्रीयांनी या वर्धा नदी धानोरा भोयगांव गडचांदूर मार्ग च्या पुलाच्या जातीने लक्ष देण्याची गरज आहे, अशी मागणी समाजिक कार्यकर्ते ईबादूल सिद्दिकी,शेतकरी बाधवांनी,तसेच जनवासियांनी केली आहे,