घुग्घुस शहरातील नगरपरिषदेच्या मटण, भाजी मार्केटमध्ये घाणीचे साम्राज्य, नगरपरिषदेचे मात्र दुर्लक्ष

देवानंद ठाकरे (घुग्घुस प्रतिनिधि): घुग्घुस शहरातील नगरपरिषदेच्या मटण व भाजी मार्केटमध्ये ठिकठिकाणी घाणीचे साम्राज्य पसरले असून याकडे मात्र घुग्घुस नगरपरिषदेच्या स्वच्छता विभागाचे जाणीवपूर्वक दुर्लक्ष होताना दिसून येत आहे.

या घाणीच्या साम्राज्य व दुर्गंधी मुळे नागरिकांचा जीव धोक्यात आला असून तात्काळ नगरपरिषदने याकडे लक्ष देऊन येथील परिसराची साफसफाई करावी अशी मागणी सामाजिक कार्यकर्ते ईबादुल सिद्धीकी यांनी केली आहे.

घुग्घुस शहराची लोकसंख्या जवळपास 60 हजारांचा घरात आहे.अशातच नगरपरिषदच्या वतीनं नागरिकांच्या सोयीसाठी मार्केट ची व्यवस्था करण्यात आली आहे.

या मार्केची दररोज साफसफाई करणे नगरपरिषद च्या स्वच्छता विभागाचे काम असून याकडे मात्र जाणीवपूर्वक दुर्लक्ष केल्या जात आहे.

परिसरात नियमित साफसफाई होत नसल्याने येथे मेलेले कोंबड्यांचे तुकडे,रस्त्यावर भाजीपाला व रस्त्यावर घाण पाणी साचले असून त्यामुळं परिसरात दुर्गंधी पसरली आहे. 

या घाणीच्या साम्राज्य व दुर्गंधी मुळे नागरिकांचा जीव धोक्यात आला असून तात्काळ नगरपरिषदने याकडे लक्ष देऊन येथील परिसराची साफसफाई करावी अशी मागणी सामाजिक कार्यकर्ते ईबादुल सिद्धीकी यांनी केली आहे.