नियम धाब्यावर बसवून घुग्घुस शहरात नव्याने सुरू झालेले देशी दारुदुकान प्रशासनाने बंद करावे अन्यथा आंदोलन करू -शिवसेनेचा इशारा

नौशाद शेख (विशेष - प्रतिनिधी): नियम धाब्यावर बसवून घुग्घुस शहरात नव्याने सुरू झालेले देशी दारुदुकान प्रशासनाने तात्काळ बंद करावे अन्यथा तीव्र आंदोलन करू असा इशारा घुग्घुस येथील  शिवसेनेचे उपतालुका प्रमुख गणेश शेंडे यांनी राज्य उत्पादन शुल्क विभाग व नगरपरिषद प्रशासनाकडे केली आहे.

याबाबत शिवसेनेच्या वतीनं नगरपरिषदेला जानेवारी महिन्यात निवेदन सुद्धा देण्यात आले होते.

दारूबंदी उठल्यानंतर नवीन देशीदारू दुकानाला घुग्घुस शहरात परवानगी देण्यात आली. मात्र 25 जानेवारीला घुग्घुस नगरपरिषद मध्ये शिवसेनेच्या वतीनं नवीन दारू दुकानांना परवानगी देऊ नये असे पत्र देण्यात आले होते.मात्र सर्व नियम धाब्यावर बसवून प्रशासनाने या दारू दुकानाला परवानगी दिली.

या दारू दुकानजवळ शाळा, महाविद्यालय,डॉ बाबासाहेब आंबेडकर पुतळा, प्रा,आ, केंद्र,गंगा माता मंदिर,पो,स्टे,नायब तहसील कार्यालया,तेथील लोक संख्या तिन हजार असून,बँक आहे.

तसेच याच रस्त्यावर दर रविवारीआठवडी बाजार सुद्धा भरत असून नागरिक व महिलांना याचा मोठा त्रास सहन करावा लागत आहे.

इतकेच नव्हे तर या परिसरात संपूर्ण दुर्गंधी पसरत असून नागरिकांचे आरोग्य सुद्धा धोक्यात आले आहे. याबाबत वारंवार नगरपरिषद कडे या अवैध दारू दुकानाची परवानगी रद्द करण्याची मागणी घुग्घुस शिवसेनेच्या वतीनं करण्यात आली होती.मात्र शिवसेनेच्या निवेदनाकडे नगरपरिषद प्रशासनाने दुर्लक्ष केले.

त्यामुळं या देशी दारू दुकानाची परवानगी रद्द करा व नागरिकांचे आरोग्य धोक्यात आणू नका अन्यथा शिवसेना स्टाईल आंदोलन करू असा इशारा घुग्घुस शिवसेनेचे उपतालुका प्रमुख गणेश शेंडे यांनी दिला आहे.