स्थलांतरित नागरिकांना मागणी मंजूर खासदारांच्या प्रयत्नाला यश

सहा महिने प्रतिमाह तीन हजार रुपये भाडे स्वरूपात देण्यात येईल - डॉ. अजय गुल्हाने जिल्हाधिकारी ।। जिल्हाधिकारी कार्यलयात बैठक संपन्न

नौशाद शेख विशेष प्रतिनिधि, चंद्रपूर : घुग्घुस शहरात पोळ्याच्या दिवशी झालेल्या भूस्खलनात गजानन मडावी यांचे घर सत्तर फीट जमिनीत गाडल्या गेले.

यामुळे शहरात दहशत माजली होती.

ही वस्ती धोकादायक असल्याने या वस्तीचा पुनर्वसन अत्यंत आवश्यक असल्याने खासदार बाळू भाऊ धानोरकर यांनी 29 ऑगस्ट रोजी सांयकाळी 05 वाजता जिल्हाधिकारी कार्यालयात जिल्हाधिकारी डॉ. अजय गुल्हाने यांच्या अध्यक्षतेखाली बैठक घेण्यात आली यात आमदार सौ.प्रतिभा धानोरकर, वेकोली महाप्रबंधक आभा सिंग ,तहसीलदार निलेश गौड, मुख्याधिकारी सूर्यकांत पिदूरकर,ठाणेदार बबनराव पुसाटे,,शहर अध्यक्ष राजूरेड्डी,किसान जिल्हाध्यक्ष रोशन पचारे, पवन आगदारी,कामगार नेते सैय्यद अनवर, अलीम शेख,रोशन दंतलवार,जावेद कुरेशी यांच्या प्रमुख उपस्थितीत सदर नागरिकांना सहा महिन्यात शासकीय घरपट्टे देऊन घर निर्माण करून देण्यात येईल व सहा महिन्या पर्यंत नागरिकांना घर भाडे देण्यात येईल सदर मागणी पूर्ण होताच नागरिकांत उत्साह निर्माण झाले आहे.