इंडो कोल वॉशरीमुळे नायगाव बु,पुनवट रस्त्याची दुर्दशा, तर रस्त्यावर ट्रक उभे राहत असल्याने वाहतुकीची कोंडी

देवानंद ठाकरे (घुग्घुस प्रतिनिधि): इंडो कोल वॉशरीमुळे नायगाव बु,पुनवट रस्त्याची दुर्दशा झाली असून चंद्रपुर घुग्घुस मार्गावर रस्त्यावर कोळशाच्या ट्रक उभ्या राहत असल्याने वाहतुकीची कोंडी निर्माण झाली आहे.

इंडो वॉशरीच्या समोर वाहनांच्या लांबच एकेरी उजव्या डावे बाजूनी लांब रांगा लागत असून मुख्य मार्गावर कोळसाच्या किचड़ रोडवरती दुचाकीस्वार स्लिप होवून पडतात,गावकऱ्यांना चांगलंच मनस्ताप सहन करावा लागत आहे.

त्यामुळं येथील वाहतूक सुरळीत करा अन्यथा आंदोलन करू असा इशारा पुनवट येथील गावकऱ्यांनी दिला आहे.

नायगाव बु. ते पुनवट इंडो वॉशरी मार्ग जिल्हा परिषद बांधकाम विभागाच्या आत येत असून या रस्त्यावर संपूर्ण खड्डे पडले आहेत.त्यामुळं मागील 3 वर्षांपासून आसपासच्या गावात महामंडळाची बस सुद्धा येत नसल्याने नागरिकांना नाहक त्रास सहन करावा लागत आहे.

येथील विद्यार्थी व नागरिकांना चंद्रपुर व घुग्घुस येथे ये जा करावी लागत असल्याने त्यांना मनस्ताप सहन करावा लागत आहे.

इतकेच नव्हे तर इंडो कोल वॉशरीच्या ट्रक रस्त्यावर उभे राहत असल्याने नेहमी येथे वाहतुकीची कोंडी निर्माण होत आहे.तर मोठ्या प्रमाणात प्रदूषण सुद्धा होत असून नागरिकांचे आरोग्य धोक्यात आले आहे.

याकडे जिल्हा प्रशासनाने लक्ष द्यावे अशी मागणी येथील सरपंच गणेश मेश्राम,व उपसरपंच आनंदराव लक्ष्मण बोबडे,शरद ठाकरे पुनवट,संजय निखाडे,प्रदीप बोबडे,अमोल निंदेकर, स्वप्निल पाच भाई, डॉक्टर वि,आनंदराव बोबडे,संजय डवरे,उमाजी डेटे, ज्ञानेश्वर देवतळे,गजानन पाच भाई,यांनी केली आहे.