घुग्गुस शहरातील नागरिकांनी ध्वज संहितेचे पालन करून स्वातंत्र्याचा अमृत महोत्सव साजरा करावा.

घुग्गुस शहरातील नागरिकांनी ध्वज संहितेचे पालन करून स्वातंत्र्याचा अमृत महोत्सव साजरा करावा असे आवाहन उपविभागीय पोलीस अधिकारी सुधीर नंदनवार यांनी केले आहे. स्वातंत्र्याचा अमृत महोत्सव अंतर्गत घुग्गुस शहरातील पोलीस ठाण्यात पोलीस विभागामार्फत विविध कार्यक्रमाचे आयोजन 13 ते 15 ऑगस्ट दरम्यान करण्यात आले आहे.

यावेळी पोलीस निरीक्षक बबन पुसाटे, उपविभागीय पोलीस अधीक्षक सुधीर नंदनवार यांच्यासह अनेकांची उपस्थिती होती.

स्वातंत्र्याचा अमृत महोत्सव निमित्त शासनाने हर घर तिरंगा अभियान राबविण्याचे निर्देश दिले आहेत.त्या अनुषंगाने घुग्गुस शहरात घुग्गुस पोलिसांच्या वतीनं जनजागृती करण्यासाठी बाईक रॅली काढण्यात आली.

भारतीय स्वातंत्र्याचे हे अमृत महोत्सवी वर्ष आहे. स्वातंत्र्य लढ्याच्या स्मृती व त्याचा गौरवशाली इतिहास आजच्या तरुण पिढीला माहित व्हावा. देशभक्तीची भावना जनमानसात कायमस्वरूपी तेवत राहावी, या उद्देशाने केंद्र सरकारच्या सुचनेनुसार 13 ते 15 ऑगस्ट या कालावधीत जिल्ह्यात ‘हर घर झेंडा’ अभियान राबविण्यात येणार आहे. या अभियानात नागरिकांनी उत्स्फुर्तपणे सहभाग घेऊन जिल्ह्यात हे अभियान यशस्वी करावे, असे आवाहन जिल्हाधिकारी अजय गुल्हाने यांनी केले.

नागरिकांनी स्वयंस्फुर्तीने व स्वखर्चाने आपापल्या घरावर झेंडे लावणे अपेक्षित आहे. विशेष म्हणजे 13 ते 15 ऑगस्ट या तीन दिवसांत घरावरील झेंडा दिवसरात्र फडकविता येणार आहे. इतर ठिकाणी मात्र ध्वज संहितेचे पालन करून झेंडा फडकवायचा आहे. जिल्हा प्रशासनाने विविध सामाजिक संघटना, उद्योजक यांना झेंड्यासाठी प्रायोजकत्व घेण्याच्या सुचना केल्या आहेत. तसेच विविध उपक्रम राबविण्याठी सर्व यंत्रणांना देखील निर्देश दिले आहेत.

अशातच  घुग्गुस पोलीस स्टेशन येथे  हर घर तिरंगा मोहिमेअंतर्गत जनजागृती रॅली काढण्यात आली.व अनेक कार्यक्रमांचे सुद्धा आयोजन करण्यात आले होते.