घुग्घुस येथे अपघातात युवकाचा मृत्यू.

घुग्घुस येथे अपघातात एका युवकाचा शनिवार, १३ ऑगस्ट रोजी मृत्यू झाला. अरबाज अली शेख (२१) रा. शास्त्रीनगर, घुग्घुस व पेतरस रमेश चिलकवार (२२) रा. शास्त्रीनगर, घुग्घुस हे ट्रिपल सीट शास्त्रीनगर येथून अरबाज शेख याला बसस्थानक येथे सोडून देण्याकरिता दुचाकीने दुपारी २ वाजताच्या सुमारास जात असतांना घुग्घुस-वणी मार्गावरील सुभाषनगर जवळ दुचाकी दुभाजकच्या मधात घसरून पडली. राजीव रतन चौकातून वणी कडे जाणाऱ्या आयसर वाहन क्र. एमएच २७ सी  ४०७ ने चिरडल्याने अरबाज शेख हा जखमी झाला. चालक आपले वाहन सोडून फरार झाला.जखमी अवस्थेत त्याला रुग्णालयात भर्ती करण्यात आले परंतु उपचारादरम्यान त्याचा मृत्यू झाला. 

फिर्यादी पेतरस चिलकवार यांच्या बयानावरून पोलिसांनी कलम २७९, ३३७,३०४ (अ)१८४ मोवाका गुन्हा दाखल केला. फरार चालकाचा शोध पोलीस घेत असून पुढील तपास ठाणेदार बबन पुसाटे यांच्या मार्गदर्शनात सहा.पो.नि. संजय सिंग करीत आहे.