पत्नीची हत्या करून पतीची आत्महत्या ।। चंद्रपुर शहरालगत देवाडा येथील धक्कादायक घटना

देवानंद ठाकरे (घुग्घुस प्रतिनिधि): पत्नीची हत्या करून पतीने विहिरीत उडी घेऊन आत्महत्या केल्याची धक्कादायक घटना देवाडा येथील महाकाली नगरी भागात घडली आहे. सुधाकर डहुले, स्नेहा डहुले असे मृतकाची नावं आहेत.मृतक सुधाकर याने आपल्या पत्नीचा घरी गळा आवळून खून केला व त्यानंतर स्वतः सुधाकर याने घराजवळील गजानन महाराज मंदिर मैदानात असलेल्या विहरित उडी घेऊन आत्महत्या केली.

या घटनेची माहिती पडोली पोलिसांना मिळताच पोलिसांनीं तात्काळ घटनास्थळी धाव घेतली.

पाणी खूप खोल असल्याने आपत्ती व्यवस्थापन टीमच्या पथकाने मृतदेह विहरितून बाहेर काढले.ही घटना कौटुंबिक वादामधून घडल्याची माहिती असून घटनास्थळी जिल्हा पोलीस अधीक्षक, उप विभागीय पोलीस अधिकारी यांनी भेट दिली.या घटनेचा पुढील तपास पडोली पोलीस करीत आहे.

यावेळी आपत्ती व्यवस्थापन विभागाचे अशोक गरगेलवार,मंगेश मत्ते,वामन नक्षीने,दिलीप चव्हाण,उमेश बनकर,गिरीश मरापे,अजित बाहे,सुजित मोगरे,अतुल चाहरे आदींनी कामगिरी बजावली.