घुग्घुस शहरातून काढण्यात आली हर घर तिरंगा मोहिमेअंतर्गत जनजागृती रॅली

देवानंद ठाकरे (घुग्घुस प्रतिनिधि): घुग्घुस नगरपरिषद, घुग्घुस पोलीस स्टेशन यांच्या संयुक्त विद्यमाने घुग्घुस शहरातून शनिवारी सकाळी हर घर तिरंगा मोहिमेअंतर्गत जनजागृती रॅली काढण्यात आली.यावेळी घुग्घुस नगरपरिषद कर्मचारी,शाळकरी विदयार्थी व पोलिसांची मोठ्या संख्येने उपस्थिती होती.

भारतीय स्वातंत्र्याचे हे अमृत महोत्सवी वर्ष आहे. स्वातंत्र्य लढ्याच्या स्मृती व त्याचा गौरवशाली इतिहास आजच्या तरुण पिढीला माहित व्हावा. देशभक्तीची भावना जनमानसात कायमस्वरूपी तेवत राहावी, या उद्देशाने केंद्र सरकारच्या सुचनेनुसार 13 ते 15 ऑगस्ट या कालावधीत जिल्ह्यात ‘हर घर झेंडा’ अभियान राबविण्यात येणार आहे. या अभियानात नागरिकांनी उत्स्फुर्तपणे सहभाग घेऊन जिल्ह्यात हे अभियान यशस्वी करावे, असे आवाहन जिल्हाधिकारी अजय गुल्हाने यांनी केले आहे.

नागरिकांनी स्वयंस्फुर्तीने व स्वखर्चाने आपापल्या घरावर झेंडे लावणे अपेक्षित आहे. विशेष म्हणजे 13 ते 15 ऑगस्ट या तीन दिवसांत घरावरील झेंडा दिवसरात्र फडकविता येणार आहे. इतर ठिकाणी मात्र ध्वज संहितेचे पालन करून झेंडा फडकवायचा आहे. जिल्हा प्रशासनाने विविध सामाजिक संघटना, उद्योजक यांना झेंड्यासाठी प्रायोजकत्व घेण्याच्या सुचना केल्या आहेत. तसेच विविध उपक्रम राबविण्याठी सर्व यंत्रणांना देखील निर्देश दिले आहेत.

अशातच घुग्घुस नगरपरिषद, घुग्घुस पोलीस स्टेशन यांच्या संयुक्त विद्यमाने घुग्घुस शहरातून शनिवारी सकाळी हर घर तिरंगा मोहिमेअंतर्गत जनजागृती रॅली काढण्यात आली.