एक वर्षापासून घुग्घुस वेकोलीच्या स्टोररूमची भिंत पडलेली...

घुग्घुस: येथील वेकोलीच्या घुग्घुस खदाणीच्या स्टोररूमची भिंत एक वर्षापासून पडलेली आहे त्यामुळे घुग्घुस परिसरातील भंगार चोर तिथे ठेवून असलेल्या वेकोलीच्या करोडो रुपयाच्या मशीनचे लोखंड चोरून नेत आहे.

भिंत पडून असल्याने त्या मार्गाने भंगार चोर आता जाऊन वेकोलीच्या करोडो रुपयाच्या मशीनचे लोखंड अनेक दिवसा पासून कापून चोरून नेत आहे आता पर्यंत वेकोलीला करोडो रुपयाचा चुना लागला आहे. परंतु याकडे वेकोली अधिकारी दुर्लक्ष करीत आहे. जीओसी खदान अनेक वर्षांपासून बंद आहे. खदानी जवळ स्टोररूम मध्ये वेकोलीच्या मशीन बंद असलेल्या ठेवून आहे तसेच त्याचे स्पेअरपार्ट ही ठेवून आहे.

या स्टोररूमची भिंत पडून असल्याने भंगार चोरांना भंगार चोराची संधी मिळत आहे. परंतु वेकोली अधिकारी यांनी आता पर्यंत ही पडलेली भिंत दुरुस्त केली नाही त्यामुळे नागरिकांनी भंगार चोरांचा बंदोबस्त करून ही भिंत लवकर बनविण्यात यावी अशी मागणी केली आहे.