नागरिकांची गर्दी लक्षात घेता अमलनाला पर्यटन स्थळाला पोलीस बंदोबस्त द्या- सामाजिक कार्यकर्ते ईबादुल सिद्धीकी

नागरिकांची गर्दी लक्षात घेता अमलनाला पर्यटन स्थळाला पोलीस बंदोबस्त तैनात करावा अशी मागणी सामाजिक कार्यकर्ते ईबादुल सिद्धीकी यांनी केली आहे.गडचांदूर येथील अमलनाला डॅम वर रविवारी व इतर सुट्टी च्या दिवशी पर्यटकांची मोठी गर्दी होत असते. अशातच नागपूरसह आसपासच्या जिल्ह्यातील मोठ्या प्रमाणात पर्यटक या ठिकाणी निसर्गाचा आनंद लुटण्यासाठी येत असतात.मात्र काही असामाजिक तत्वांकडून येथे हुल्लडबाजी केली जाते.तसेच महिला व मुलींवर आक्षेपार्ह विधान केले जातात.

इतकेच नव्हे तर वेस्ट वेअरवरील खोल पाण्यात काही उत्साही पर्यटक जात असून अनुचित प्रकार घडण्याची शक्यता नाकारता येत नाही.त्यामुळं येथे गडचांदूर पोलिसांनी पोलीस बंदोबत ठेवावा तसेच प्रशासनाने महिलांसाठी प्रसाधनगृह ची व्यवस्था करावी अशी मागणी सिद्धीकी यांनी केली आहे.