घुग्घुस येथे मुसळधार पाऊसाने घराची भिंत कोसळली, भाजयुमो प्रदेश उपाध्यक्ष विवेक बोढे यांची तत्काळ मदत.

घुग्घुस प्रतिनिधी: घुग्घुस परिसरात रविवारी, दिवसभर मुसळधार पाऊस पडला. रोशन शामलाल वर्मा रा. वार्ड क्र. 2 बँक ऑफ इंडिया मागे, घुग्घुस यांच्या राहाते घराची भिंत मुसळधार पाऊसाने कोसळली.

हि माहिती मिळताच भाजयुमो प्रदेश उपाध्यक्ष विवेक बोढे, तलाठी कार्तिक आत्राम, भाजपाचे हेमंत कुमार व उमेश दडमल यांनी घटनास्थळाची पाहाणी केली.

याबाबतची माहिती भाजपा जिल्हाध्यक्ष देवराव भोंगळे यांना देण्यात आली त्यांच्या सूचनेनुसार भाजयुमो प्रदेश उपाध्यक्ष विवेक बोढे यांनी वर्मा कुटुंबियांना तत्काळ आर्थिक मदत दिली व धान्य किट देऊन त्यांच्या राहणाची व्यवस्था केली.

घराची भिंत कोसळल्याने घरातील टीव्ही, बेड, किराणा साहित्याचे नुकसान झाले.

रोशन वर्मा व त्यांची पत्नी रीना वर्मा हे दोघेही घरीच होते व त्यांची दोन लहान मुलं शाळेत गेले होतो यात ते थोडक्यात बचावले असून सुदैवाने जीवितहानी झाली नाही.

रोशन वर्मा हा वटाणे विकण्याचे काम करतो त्यांच्या घराची भिंत कोसळल्याने त्यांचे कुटुंबिय संकटात सापडले आहे. त्यामुळे त्यांच्या कुटुंबियांचे अश्रू अनावर झाले होते. तलाठी कार्तिक आत्राम यांनी पंचनामा केला आहे.