वेकोलीचे सिएमडी मनोज कुमार यांच्यासह अधिकाऱ्यांनी केली मुंगोली पुलाची पाहणी, युद्धपातळीवर पुलाचे काम सुरु.

वेकोलीचे सिएमडी मनोजकुमार आणि उपक्षेत्रीय प्रबंधक उदय कावळे यांच्यासह अधिकाऱ्यांनी  आज शुक्रवारी मुंगोली पुलाची पाहणी केली. दरम्यान युद्धपातळीवर पुलाच्या डागडुजी चे काम सुरू करण्यात आले आहे.

20 दिवसांपासून सुरू असलेल्या मुसळधार पावसामुळे मुंगोली पुलावरील डांबरीकरण उखडले.त्यामुळं या पुलावरून वाहतूक बंद करण्यात आली आहे. तसेच जिल्ह्यातील वेकोलीला कोट्यवधी रुपयांचा फटका बसला असून कोळसा उत्पादन पूर्णपणे ठप्प झाले,तसेच वाहतूक सुद्धा बंद असल्याने कामगारांचे सुद्धा आर्थिक नुकसान झाले आहे.घुग्घुस,नकोडा मुंगोली परिसरात वर्धा नदीला पूर आला. अशातच अनेक मार्ग बंद करण्यात आले.या पुराचा मोठा फटका मात्र वेकोलीला बसला.20 दिवसांपासून कोळसा उत्पादन ठप्प झाले आहे.तर कोळसा वाहतूक बंद झाली आहे.

दरम्यान आज शुक्रवारी वेकोलीचे सिएमडी मनोजकुमार आणि उपक्षेत्रीय प्रबंधक उदय कावळे यांच्यासह अधिकाऱ्यांनी मुंगोली पुलाची पाहणी केली. दरम्यान युद्धपातळीवर पुलाच्या डागडुजी चे काम सुरू करण्यात आले आहे. यावेळी महाराष्ट्र एमएसएफ सुरक्षा रक्षक अधिकारी आर, एस, वडगावे सह,सुरक्षा रक्षकांनी व वेकोली सुरक्षा रक्षक तैनात करण्यात आले होते.