वेकोलिला कोट्यावधी रुपयांचा फटका,कोळसा उत्पादन व वाहतूक बंद.

पावसामुळं वेकोलीला कोट्यवधी रुपयांचा फटका,कोळसा उत्पादन व वाहतूक बंद, येणाऱ्या दिवसात नुकसान भरून काढू- उपक्षेत्रीय प्रबंधक उदय कावळे.

20 दिवसांपासून सुरू असलेल्या मुसळधार पावसामुळे जिल्ह्यातील वेकोलीला कोट्यवधी रुपयांचा फटका बसला असून कोळसा उत्पादन पूर्णपणे ठप्प झाले,तसेच वाहतूक सुद्धा बंद असल्याने कामगारांचे सुद्धा आर्थिक नुकसान झाले आहे.मात्र झालेले नुकसान येणाऱ्या काही दिवसातच भरून काढणार असल्याचे वणी क्षेत्राचे उपक्षेत्रीय प्रबंधक उदय कावळे यांनी बोलताना सांगितले आहे.

मागील 20 दिवसांपासून सर्वत्र मुसळधार पाऊस सुरू आहे. घुग्घुस,नकोडा मुंगोली परिसरात वर्धा नदीला पूर आला.अशातच अनेक मार्ग बंद करण्यात आले.या पुराचा मोठा फटका मात्र वेकोलीला बसला.20 दिवसांपासून कोळसा उत्पादन ठप्प झाले आहे.तर कोळसा वाहतूक बंद झाली आहे.पुराचे पाणी कोळसा खाणीत जाऊ नये तसेच अनुचित घटना घडू नये म्हणून वेकोलीचे सुरक्षा रक्षक, ( तसेच महाराष्ट्र सुरक्षा रक्षकटोळीसह जवान तैनात करण्यात आले.

दरम्यान निसर्गाच्या प्रकोपाने वेकोली प्रशासन घाबरून न जाता येणाऱ्या काही दिवसातच पुन्हा कोळसा उत्पादन व वाहतूक सुरू करेल आणि आर्थिक नुकसान भरून काढेल अशी प्रतिक्रिया वणी क्षेत्राचे उपक्षेत्रीय प्रबंधक उदय कावळे यांनी दिली आहे.